DILI (timorpost.com) – Governu liuhosi Vise Primeira Ministra no Ministra Solidaridade Sosiál no Inkluzaun (MSSI), Armanda Berta dos Santo, ofisialmente lansa ona pagamemtu subsídiu anuál ho montante 200 USD, ba kada uma-kain, iha Suku Kamea, Postu Administrativu Kristu Rei, Munisípiu Dili.
Iha diskursu, Armanda Berta do Santo, hatete tuir loloos ohin Primeiru Ministru, Taur Matan Ruak, mak iha Postu Administrativu Kristu, hodi halo lansamentu ba subsídiu 200 USD ne’e, maibé okupadu.
“Iha Oitavu Governu Konstitusionál ne’e foin primeira-vez iha tinan 2022, iha subsídiu 200 USD, ba uma-kain sira, tinan ida dala ida,” nia hateten iha Suku Kamea, Bekora, Tersa (06/12).
Tanba ne’e, lansamentu ba subsídiu 200 USD ne’e, la’ós iha Dili de’it, maibé ba mós iha Munisípiu 14 no inklui RAEOA, Munisípiu hirak seluk sei halo lansamentu iha loron 12 fulan Dezembru tinan ne’e.
Governante ne’e informa, totál uma-kain iha territóriu laran tomak hamutuk rihun 39 USD resin.
“Ha’u hakarak atu hatete de’it katak, benefisiáriu sira ne’ebé ho saláriu 500 USD, mai karik iha direitu atu simu subsídiu ida ne’e, maibé karik ita boot sira simu subsídiu 200 USD, tenke prenxe formuláriu ida para ita bele hatene di’ak liután, uma laran la hetan rendimentu husi 500 USD ba leten, tanba ita laiha dadus ida kona-ba ema ne’ebé saláriu 500 mai karik no 500 ba leten,” nia dehan.
Alende ne’e nia dehan, formuláriu ne’e atu benefisiáriu sira prienxe, karik la servisu no servisu, maibé rediementu menus husi 500 USD.
“Governu bele halo ida ne’e ba ita boot sira, tanba ita boot sira mak Governu iha, tanba ne’e Governu mós la matan dukur hanoin mós ita boot sira,” nia hakotu.
Iha biban ne’e, Xefe Suku Kamea, Matos da Costa, hatete reprezenta komunidade tomak hakarak agradese ba Oitavu Governu liuliu Ministériu Solidaridade Sosiál no Inkluzaun (MSSI), ne’ebé hili suku ida ne’e hodi loke lansamentu ba orsamentu subsídiu 200 USD iha tinan ne’e.
“Ha’u hakarak informa, atividade ohin lansamentu ba osan subsídiu 200 USD ne’e, ami iha aldeia 13, maibé ohin ami prepara uluk aldeia has laran, ne’ebé ho total xefe família 440, ho osan rihun 88, ne’e ohin ami halo lansamentu ba ida ne’e, hafoin Aldeia ida hotu ba fali adeia sira seluk,” nia dehan.
Nia hatutan, suku Kamea iha xefe de família hamutu rihun 3 liu mak sei simu osan subsídiu ne’e.
“Ha’u hanesan Xefe Suku Kamea, hakarak apela ba iha komunidade tomak iha suku Kamea katak, se mak saláriu liu 500 USD labele simu, se imi hakarak simu ha’u la impede, maibé ita boot sira mak sei hasoru Komisaun Anti Korrupsaun (KAK) no PDHJ, tanba ita lei iha ona,” nia dehan.
Iha fatin hanesan, Benefisiáriu Amelia Filomena, hatete sira agradese ba Governu tanba fó osan subsídiu 200 USD, maibé osan ne’e la sufisiente ba sira.
“Osan ne’e la sufisiente, tanba uma laran barak, depois oan sira eskola no nesidade mós barak, tanba ami sente la sufisiente ba ami,” nia dehan.
Tanba ne’e, ba futuru karik Governu hakarak fó subsídiu, pelumenus aumenta tan uitoan.
Enkuntu iha atividade lansamentu ba subsídiu osan 200 USD ne’e, partisipa husi Vise Primeiru Ministru no Ministra Solidariedade Sosiál no Inkluzaun (MSSI), Armanda Berta do Santo, Komandante Eskuadra Kristu Rei, Administradór Kristu Rei, Xefe Suku Kamea, Xefe aldeia no partisipa másimu husi komunidade Suku Kamea.
MSSI Lansa Pagamentu Subsídiu Fim do Ano iha Postu Administivu Dom Aleixo
Ministériu Solidariedade Sosiál no Inkluzaun (MSSI), halo lansamentu pagamentu subsídiu fim do Ano, 200 USD ba uma-kain iha Munisípiu Dili, Postu Administivu Dom Aleixo, suku hamutuk hitu (7) hanesan Suku Komoro, Fatuhada, Manleuana, Bairru-Pité, Kampu Alor, Madohi, no Bebonuk.
“Oportunidade loraik ida ne’e hakarak hato’o de’it mensajen kona-ba tanba saida maka ita hahú halo lansamentu iha Munisípiu Dili,” hateten Vise Primeiru Ministru no Ministru Planu Ordenamentu Territóriu, Jose Reis, iha Sede Komoro, Kampung Baru, Tersa (06/12).
Enkuantu tuir baze dekretu Governu ne’ebé iha tinan kotuk bainhira Eis Prezidente Repúblika, Francisco Guterres Lu-Olo, hato’o nia preokupasaun bainhira Governu aprova ba iha funsionáriu hotu, Iha tinan kotuk iha preokupasaun ne’e mós sira iha terseira mês, oinsá povu sira ne’ebé laiha kbiit, entaun nia hato’o nia hanoin ida ba iha Oitavu Governu Konstitusionál ne’ebé lidera husi Primeiru Ministru, Taur Matan Ruak.
“Entaun ohin ita halo lansamentu ba iha subsídiu Fim do Ano, 200 USD ba uma-kain iha tinan ida ne’e nian”, Vise-Ministru ne’e tenik.
Nia reforsa tan, ho hanoin ida ne’e hanesan ohin nia hatete oitavu Governu foti desizaun aprova subsídiu Fim do Ano ne’ebé ho valor 200 USD ba uma-kain ida.
Tanba ne’e ohin intensaun atu suporta Ekonómia família sira ne’ebé vulnerável liu no fó oportunidade atu selebra ho dignidade epoka espesiál ba iha tinan foun no remata iha tinan 2022 nian.
Portantu tuir dadus ne’ebé Ministériu Administrasaun Estatál no Ministériu Solidariedade Sosiál no Inkluzaun partila totál Uma-Kain iha territória Timor laran tomak ne’ebé sei benefisiaria ba subsídiu fim do Ano ne’e hamutuk 339.954.
Ba pagamentu iha Munisípiu Dili ne’ebé ohin sira halo lansamentu liuhusi biban ida ne’e mós hakarak infoma iha loron 12, BNCTL sei mobiliza orsamentu ida ne’e ba Munisípiu sira hotu. Se buat hot-hotu la’o di’ak hotu entaun antes natal fulan ida ne’e distribuisaun ne’e bele hotu ona.
“Ha’u-nia esperansa maka apoiu husi Oitavu Governu nian ba ita bo’ot sira bele pasa epoka festeza ho haksolok iha ida-idak ninia família no simu tinan foun ne’ebé ita hotu hakarak no deseja bele lori prosperiedade ba Timor-Leste tomak no lori Timor ba buras liután iha futuru”, nia informa.
Iha fatin hanesan Xefe Suku Komoro, Eurico da Costa de Jesus, dehan lansamentu subsídiu uma-kain ne’e tantu husi Governu no suku sira tuir de’it orientasaun husi Governu no sira foti ona osan ba tau iha ne’ebá hodi halo pagamentu ba sira.
Portantu Postu Administivu Dom Aleixo, kompostu husi Suku Komoro total Uma-Kain 10,054.000 no orsamentu 2,010.800.00 USD, Fatuhada 3,111, orsamentu 622, 200,00 USD, Kampu Alor 1.322, orsamentu 264, 400.00 USD, Manleuana 3.499, orsamentu 699, 800.00 USD, Bairru-Pité 6.770 orsamentu 1,354.000, 00 USD, Madohi 4.578 orsamentu 915.600.00 USD no Bebonuk 1.948 orsamentu 589.600.00 USD.
2,067 total views, 3 views today
Bele hare Video Seluk :
Subscribe to Timorpost
