DILI (timorpost.com) – Estasaun Kombustível iha Munisípiu Dili, barak mak taka tanba stock laiha.
Tuir funsionáriu balun iha Pertamina Relalistic Full la kohi hatete nia naran, hatete sira taka tama Kombustível la tama tanba laloran tasi boot.
“Pertamina privadu iha Dili taka hotu, tanba laloran tasi boot, entaun ró la bele lori kombustível mai ita-nia rai,” dehan fonte konfirmadu ba Timor Post iha Pertamina Relasitic Full iha Balide, Domingu (22/01).
Nia dehan, Pertamina Relalistic Full ne’e horseheik kedas taka tanba Kombustível laiha.
“Ami loke uitoan, tanba ami iha kombustível solar de’it, maibé Kombustível bensin kuaze iha pertamina privadu laiha hotu, tanba ne’e ami taka,” nia konta.
Nune’e Timor Post koko atu entrevista funsionáriu husi Pertamina Internasionál Bebora, maibé la kohi fó komentáriu kona-ba ida ne’e.
Iha biban ne’e mós, kompradór kombustível iha pertamina Mira Mar Full, Fatuhada, Napolião Perreira Martins, haktuir nia hola kombustível barak-barak, tanba ohin ba iha pertamina hotu-hotu, maibé kuaze taka hotu no pertamina hotu-hotu mina laiha, tanba ne’e hola atu rezerva iha uma, atu nune’e karik mina laiha nia enxe de’it ba nia karreta sira.
“Ami rona informasaun sira katak, mina iha maibé ró mak mai la di’ak, tanba laloran boot, tanba ne’e daudaun ne’e mina iha pertamina laiha Pertamina taka hotu, tanba ne’e hola iha masa barak-barak, atu rezerva ba ha’u-nia karreta Microklete, tanba loron buka pasajeiru,” dehan nia.
Nia haktuir, bain-bain nia enxe mina iha Pertamina Ai-tula, maibé taka hotu.
Tuir observasaun Timor Post iha terenu iha oras 09:00, iha estasaun privadu iha Dili, kuaze taka hotu, maibé pertamina Internasionál no Pertamina Eto mak loke, maibé komunidade sira ba hobur iha Estasaun sira hodi enxe ba karreta, motor no balun lori masa mamuk hodi ba enxe.
Pertamina ne’ebé loke mak Estasaun Internasionál Bebora, Pertamina Mira Mar, Full Fatuhada, Pertamina Eto Hali Laran, Pertamina Tiger Full, Pertamina area Bekora, Maibé parte Kuluhun no area Fatuhada no Pertamina Realistic Full Balide kuaze taka hotu
Entretantu stock gajolina husi importasaun laiha nia implikasaun pertamina sira hotu iha Timor-Leste mamuk.
“Mina liuliu gajolina laiha stock kombustível kuaze loron rua, no semana kotuk laiha importasaun ne’ebé importa mai iha pertamina Internasionál Timor S.A, atu pertamina nasionál, no lokál sira bele asesu,” informasaun ne’e hateten hosi staff, Filomeno Soares da Silva iha Pertamina mãe de Graça, ba Timor Post, Domingu (22/01).
Nia dehan, kuaze loron rua stock kombustível lasufisiente, liuliu mina gajolina maran iha pertamina sira, hela de’it mak solar, maibé ne’e mós uitoan de’it, tanba ne’e hanesan staff mós paradu oituan servisu.
“Durante iha públiku kestiona kona-ba stock mina la sufisiente, ita-nia Diretór operasional pertamina Internasionál Timor S.A, Taruna Ariwibowo, deklara nafatin esforsu hodi fornese mina ba transporte públiku sira, maibé mina liuliu gajolina derrepente laiha ami rasik mós konfunde, bainhira kondisaun no situasaun hanesan ne’e”, nia hateten.
Estasaun kombustível ou pertamina iha Timor-Leste, liuliu Munisípiu Dili, maioria mina laiha, hanesan Pertamina ne’ebé loke mak iha Estasaun Internasionál Bebora, Pertamina Mira Mar Fuell Fatuhada, Pertamina Eto Hali Laran, Pertamina Tiger Fuell, Pertamina area Bekora Fuell, parte Kuluhun no area Fatuhada no Pertamina Realistic Fuell Balide no seluk kuaze taka hotu no susar ba transporte públiku sira hot-hotu atu asesu mina.
“Ha’u hanesan staff iha estasaun kombustível, husi Mãe de Graça Fuell nian, hakarak rekomenda ba públiku katak labele laran taridu no paniku, tanba ita sei iha volumidu mina ne’ebé forte, no loron ohin laiha, maibé loron ohin ba oin sei iha,” nia afirma.
Iha parte seluk hanesan kondutor taxista, Marilio Marqúes, hatete mina laiha ne’e desizaun polítika husi Governu, halo oinsá mak mina ne’e hanesan situasaun bain-bain prontu uza ba transporte, hanesan motor, karreta, ró, aviaun sira.
“Ha’u hanesan kondutor sai mós sidadaun orijináriu iha direitu atu hato’o kestaun ne’e ba Governu, tanba saida stock kombustível ne’e la mai estasaun ka pertamina sira, atu trasporta ba kondisaun transporte sira iha terrestre, marítima, no Aero,” nia hateten.
Nia hatutan, failla ne’e iha ne’ebé ohin loron ne’e mina maran, pelumenus fó deklarasaun ida klaru ba públiku, atu públiku hot-hotu labele pániku, no faillansu husi mina maran ne’e implikasaun husi natureza ou liuhosi idelojia polítika ruma.
Tanba ne’e husu ba Governu, liuliu Ministériu relevante no mós ba Diretór operasional Pertamina Internasionál S.A Timor, bele kria kondisaun liuliu volume pertroleo nian, hodi normaliza fali gajolina ka solar hanesan bain-bain, atu transporte públiku sira bele uza ho seguru no konfortavel.
4,000 total views, 3 views today
Bele hare Video Seluk :
Subscribe to Timorpost
