DILI (TIMORPOST.COM—Banku Nasionál Timor-Leste (BNCTL-sigla portugés), presiza harii banku sukursál iha Australia no Korea, tanba traballadór Timoroan ne’ebé hala’o servisu iha ne’ebá atu transfere osan ho taxa ki’ik.
Bankada opozisaun (FRETILIN), deputadu Antoninho Doutel Sarmento, kestiona asuntu ne’e iha sesaun plenária Uma Fukun Parlamentu Nasionál.
“Sira (traballadór) husu mós atu BNCTL nia sukursál sira iha Korea no Australia, tuir traballadór katak durante ne’e sira haruka osan tuir banku estranjeiru sira ema ko’a taxa ne’ebé aas tebes,” Doutel intervein iha Parlamentár, Tersa (06/02/2024).
Reprezentante povu ne’e esplika, traballadór mós husu ba Sekretáriu Estadu Formasaun Profisionál no Empregu (SEFOPE), atu koloka funsionáriu iha Diresaun Inspesaun Traballu, hodi tau matan ba traballadór Timoroan sira iha nasaun-rua ne’e.
“Traballadór sira iha Korea no Australia husu ba SEFOPE, atu tau funsionáriu diresaun inspesaun traballu ida iha rai rua ne’e, hodi nune’e bele tau matan direta ba traballadór sira nian, liuliu problema sira ne’ebé hasoru iha servisu fatin”, nia hakotu.
2,220 total views, 3 views today
Bele hare Video Seluk :
Subscribe to Timorpost
