ADVERTISEMENT

Negosiante Hakarak Muda Lalais ba Merkadu Foun Tuanau

Mario da Costa - Baucau · Ekonomia · Jeral
Jornalista : Caetano Guterres
Editor : Mario da Costa
  • Share
Kondisaun Merkadu Vila Nova Baukau, imajen TP/Caetano Guterres

BAUKAU (timorpost.com) – Negosiante roupa iha merkadu vila nova ezije ba autoridade lokál Munisípiu Baukau atu muda sira lalais ba merkadu foun Tuanau.

Negosiante roupa Maria E. Freitas, hatete tinan barak ona hala’o negosia iha merkadu vila-nova hahú tinan 2012 to’o agora.

ADVERTISEMENT
SCROLL FILA BA NOTISIA


“Itá haree kondisaun merkadu ne’e la favorese ona tanba tempu udan ho anin boot afeta tebes ba atividade faan sasán”, nia hateten ba Timor Post, iha Merkadu Vila Nova Baukau, Kinta (02/03/2023).

Nia esplika, baraka hirak ne’ebé hodi fan sasán ne’e sira rasik mak harii, maibé agora bebak ho ai dodok no kalén jingku ferujen ona, hakarak atu hadi’a fali mais labele tanba Merkadu foun Governu harii tiha ona.

Lee Mós :
Membru F-FDTL Baukau Simu Vasina AstraZeneca

“Tempu udan ho anin hanesan ne’e ami araska los, tauk baraka monu ka anin sobu sai zingku sira, tanba ne’e husu atu autoridade sira muda ami ba merkadu foun ona”, nia hateten.

Nia afirma aleinde kondisaun baraka, nia mos kestiona ambiente iha merkadu vila nova, liuliu iha baraka sorin besik los fatin soe lixu, bainhira ekipa saneamentu la mai raut lalais kuandu akontese udan lisu hirak ne’e dodok no i’is halo lalar hobur fó impaktu ba sira-nia saúde no impede komprador sira lá mai sosa sasán.

Iha tempu hanesan negosiante produtu lokál, Ana de J. Soares, sente triste tanba durante tinan barak nia laran hala’o atividade faan produtu lokál iha estrada ninin ladun fó vantajen ba komprador sira tanba tempu udan karreta halai ba no mai tahu kona no tempu loron manas karreta halai ba no mai halo rai rahun suar belit iha modo tahan.

Lee Mós :
Domingos Fan Ai-manas, Liis ho Derok Tinan Haat Ona

“Ami-nia atividade iha ne’e sosa no faan produtu hortikultura hanesan modo tahan, kangku, ai-farina tahan, lakeru fuan no produtu seluk tan, maibé fatin mak iha de’it estrada ninin, iha ne’e dala-barak ami faan iha ne’e maibe laiha fatin própriu hodi faan produtu lokál”, nia preokupa.

Tanba ne’e nia husu ba autorodade Munisípiu aselera prosesu muda negosiante sira ba iha merkadu foun nune’e sira bele hetan fatin di’ak.

Lee Mós :
TR Sei Halo Prosesamentu Mina No Gas Iha Betano

Iha sorin seluk Prezidentr Autoridade Munisípiu Baukau, Olivio Freitas, hatete maski merkadu Tuanau prontu ona no moru haleu tiha ona, maibé seidauk bele muda negosiante sira ba tanba sei kompleta fasilidade balun tan, hanesan sei harii tan uma ida hodi fasilita maluk defisiente sira.

Tuir observasaun jornalista nian iha merkadu vila nova liuliu tempu bazar hanesan Domingu ho Kinta feira negosiante no komprador sira laiha espasu pior liu negosiante sira faan de’it produtu lokál iha estrada ninin laiha ijiene.

 1,324 total views,  6 views today

Oinsa Ita nia Reaksaun iha Notisia Nee?
Like
Love
Haha
Wow
Sad
Angry
You have reacted on “Negosiante Hakarak Muda Lalais ba Merkadu Foun …” A few seconds ago

Bele hare Video Seluk :
  • Share
ADVERTISEMENT
SCROLL FILA BA NOTISIA

Notisia Timorpost Seluk


Komentariu :
Timorpost.com. Respeita tebes Ita Nia opiniaun. Laran luak no uza etika bainhira hatoo opiniaun. Opiniaun iha Ita Nia responsabilidsde, tuir lei ITE.

Varanda
Kategoria
Video
Buka
Watch
Facebook
error:
Simu Notifikasaun Hosi Timor Post Online! OK No