DILI (Timor Post)—Embaixadór Repúblika Indonézia iha Timor-Leste, Sahat Sitorus, informa kuandu pandemia Covid-19 hotu, maka Timor-Leste ho Indonézia sei implementa akordu ida hodi halo operasaun bis DAMRI iha Timor-Leste.
Relasiona akordu entendementu ne’ebé Indonézia ho Timor-Leste asina ona, ho objetivu ida atu operasionaliza bis DAMRI husi Kupang to’o mai Dili Timor-Leste, parte Indonézia iha fulan kotuk Jullu nia laran lansa operasionál bis DAMRI ne’e.
Tuir Embaixadór Sitorus, katak DAMRI agora daudauk halo ona operasionál husi Kupang mai too Mota ain, ne’e atu kontinua mai Dili, Timor-Leste espera hafoin situasaun Covid-19 remata.
“Bainhira DAMRI kontinua halo operasaun husi mota ain mai Dili Timor-Leste hafoin Covid-19, ita iha serteza katak sei halo operasionál,” dehan Embaixadór Indonézia mai Timor-Leste, Sahat Sitorus, ba jornalista iha aniversáriu loron ASEAN dala 54 iha KBRI, Palapasu Dili, Segunda (09/08).
Nia afirma, tuir loloos DAMRI halo operasionál husi Kupang to’o iha Dili, Timor-Leste, MoU nian seidauk implementa efetivu tanba de’it parajen karreta sira ne’e iha ne’ebé.
Tuir Sitorus, folin operasionál Bis DAMRI katak husi Kupang mai mota ain 120.000 rupiah ne’ebé maka kompara ho dollar karik bele $10.00 hanesan ne’e.
“Agora daudauk Bis DAMRI halo operasaun husi Kupang mai mota ain la’o di’ak ona, ongkos ne’e dentru 120.000 rupiah kompara ho dollar $10.00,” Sahat Sitorus hateten.
Tanba ne’e mak Indonézia iha esperansa ida katak sei ajuda Timor-Leste liuhusi dezenvolvimentu Turizmu, ekonomia no merkadorias sira iha Timor-Leste sei fó apoiu ba ida ne’e.(f10)
920 total views, 6 views today
