Timor Post (10/06/2020)—Governu liuhusi Konsellu Ministru aprova ona movimentasaun transporte públiku bele tama sai fronteira terrestre ho Nusa Tenggara Timur (NTT)-Indonézia.
Minsitru Prezidénsia Konsellu Ministru Fidelis Leita Magalhães hatete, konsellu ministru aprova no fó poder tomak ba Ministru Transporte no Komunikasaun hodi bele asina memorandu intendimentu ida ho governu Repúblika Indonézia kona-ba movimentu transporte públiku iha fronteira.
“Signifika ita nia karreta sira ne’e bele liu to’o fronteira no bele to’o iha Kupang, Atambua sira ne’e,” Fidelis subliña ba Jornalista sira hafoin reuniaun Konsellu Ministru, Kuarta (10/06/2020), iha Palásiu Governu, Dili.
Fidelis dehan, medida ne’e importante tanba bele haktuir mós akordu entre nasaun sira Ázia nian.
Antes ne’e governu foti desizaun taka movimentasaun transporte públiku iha portu, aeroportu no fronteira terrestre sira tanba atake pesti Corona (COVID-19).
Timor Leste rejista kazu pozetivu 24 maibé rekopera hotu ona.
Jornalista: Jaime Pires
1,404 total views, 3 views today
Bele hare Video Seluk :
Subscribe to Timorpost
