Ohin 31 Janeiru 2024 Sarani katoliku tomak iha mundu liu-liu joven sira no antigu aluinu salesianu dom Bosco komemora loron Dom Bosco nia mate iha tinan 1888 liuba.
Dom Bosco ho naran kompletu Giovanni Melchiorre Bosco, moris iha lorin 16 fulan Agustus no tinan 1815 . iha Rai Bechi, iha fatin kiik ida iha Castelnuovo d’Asti neebe mak ohin loron hanaran Castelnuovo Don Bosco Iha Turin, ITALIA. Nia Aman naran Francisco Bosco nudar ema agrikultor ida, no inan naran Margarida Ochiena.
Dom Bosco, nu’udar mestre no aman ba foin sae sira tanba iha sekulu 19, maske hasoru dezafiu oin –oin iha rai Italia, konsege hari’i kongresaun Salesiano hodi akumula joven sira wain ba wain hodi hetan edukasaun, formasaun ba hadi’a vida moris, no konsege lori joventude (Feto/mane) hakbesik aan ba Maromak, liuhusi atividade oratório. Dom Bosco sai ona fermentu ba joven iha Mundu inklui iha Timor – Leste.
Iha nia moris tomak, Don Bosco kaer metin virtude de servisu ho karidade ne’ebé ás liu. Nia halibur foinsa’e lanu-teen ka foinsa’e luron ninin sira sai ninia oan hodi fó hanorin oinsa halo servisu ne’ebé ho responsabilidade. Hanorin sira oinsa atu estuda, oinsa atu reza, oinsa atu hananu, no oinsa atu hatene agradese ba Aman Maromak iha leten no ás.
Ba foinsa’e sira, Don Bosco sempre hatete; “Bele halimar, bele haksoit, bele hananu, bele reza, maibé labele halo sala”. Sala ka los, iha biban ne’eba, Don Bosco sempre hasoru problema klasiku sira (hemu tua lanu, preman, badiu) ne’ebé lori nia hakbesik ba foinsa’e sira sai aman no belun ba foinsa’e sira too ohin loron.
Oras ne’e, iha era globalizasaun ne’e, se Don Bosco sei moris, nia sei kreativu liu hodi uza mídia sosial sira ne’e lori foinsa’e sira sai moris kreativu no la monu ba tentasaun ruma.
Don Bosco maka mahein ba foinsa’e sira. Don Bosco sai amululik iha 05 Juñu 1841. Wainhira nia aluga uma iha Valdoco, uma ne’ebé ema la uza—iha rai-fuik maran, nia halos ai kapela nos ai fatin atun labarik sira estuda.
Iha uma ne’e nia odamatan oin, Don Bosco hakerek mensajem ne’ebé nia hetan iha ninia mehi hasoru Maria Auxiliadora katak; “Haec est Domus Mea; Inde Gloria Mea”, signifika “Ida ne’e maka Ha’u nia uma; hosi nia Ha’u nia Gloria tranzmite.”
“Hadook án ba hosi belun sira ne’ebé át hanesan ó hadook-án hosi samea nia tuku (gigit) ho veneno wa’in. Wainhira ó nia belun sira diak, ha’u fiar katak iha futuru mai ó sei haksolok hamutuk ho ema santo sira iha lalehan; maibé wainhira hamutuk ho grupu ema át, ó rasik sei sai át mós, no ó iha perigu nia laran katak ó sei lakon ó nia klamar,” Don Bosco ne’ebé tatoli hela lia tatoli ne’e ba foinsa’e sira atu moris banati.
Joven sira tenke buka hodi moris tuir prinsipiu ne’ebé Dom Bosco husik hela ona dezde nia sei moris “Razaun, Reliziaun no Amor”. Alende ne’e, nia husu ema ida – idak, tenke sai fermentu moris iha familia no sociedade nia let.
Don Bosco hanorin ema sai sarani ne’ebé diak no sai sidadaun ne’ebé onestu. Sarani ne’ebé diak tenki halo tuir Maromak nia hakarak. Sai sidadau ne’ebé onestu, sai mós ema ne’ebé hatene respeita ninia moris rasik no ema seluk nia moris. Katak, onestu maka soin ida ne’e nabilan liu osan-mean ka murak mean rai ninian, iha moris ne’e. Onestu ba ó nia án, onestu ba Maromak.
17,292 total views, 6 views today
Bele hare Video Seluk :
Subscribe to Timorpost
