DILI (Timor Post.com)—Konsellu Imprensa (KI), anota sei iha media balu komete Infrasaun, hasoru kódigu étika Jornalizmu Timor Leste.
“Ita haree meiu komunikasaun balu komete Infrasaun, hasoru kode étika jornalizmu, tuir (KOMSOS), artigu 44, haree notísia ne’ebé ho poténsia viola kódigu étika Jornalizmu.” Dehan Prezidente Konsellu Imprensa (KI), Otelio Ote, liuhusi Konferénsia Imprensa, iha Kintál Boot, Segunda-Feira (11/09/2023).
Prezidente KI hatete, prosesu identifikasaun hatudu evidénsia iha mídia balu hanesan, RTTL E.P, STL, Hatutan. com, Guarda TV Talk Show, GMN TV, Oekusi Post (TOP), komete infrasaun bainhira halo publikasaun ba notísia sira, iha nia jornál, Face book page, la-tuir padraun ka prinsípiu Jornalizmu nian.
“Evidénsia ne’ebé KI nota mak jornalista sira hakerek ou entrevista fonte ida de’it (Single source), la halo konfirmasaun akuzadu ka balansu ba notísia ne’ebé sei sujeitu hela, tanba ne’e mak ita konsidera sei komete infrasaun, hasoru kode étika jornalizmu nian.
Evidénsia segundu ne’ebé hatudu husi media sira iha leten hanesan kazu Ela Variana nian, husi kanál tolu ne’e la halo konfirmasaun didi’ak husi parte feto ativista nian, atu hatene loloos husi problema refere.
Nune’e mós programa mídia Guardamor TV talk show “Bulletin 24 horas” publika notísia ho tema, Mudansa Lideransa interna FRETILIN, maibé notísia refere ne’e sujeitu, laiha balansu, entaun ne’e komete infrasaun hasoru kode étika jornalizmu.
Mídia GMN TV nian, konsidera, bias gender no estereótipu jéneru, tanba halo julgamentu (Trial by the press) feto, tuir publikasaun notísia edisaun 23 Julio 2023, títulu “PNTL sei buka tuir inan ne’ebé soe ninia kosok oan iha Uatulete Baucau”, tuir publika iha edisaun 30 Agostu 2023, ho tema, “Bispu Baukau Sente Triste Ema Deskoñesidu So’e Bebé Besik Katedrál Baukau, husi notísia rua ne’e, jornalista no editor sira halo konkluzaun sujeitu inan no feto mak so’e bebé, maibé lá buka see mak autór loloos ba bebé.
Mídia Oekusi Post (TOP) mós halo notísia nakonu ho opiniaun jornalista no editor ka presupostu (Prasangka buruk), tanba publika notísia, edisaun 17 Agostu 2023, ho títulu, Bano Defende Aan, La’ós Nia Mak Fan Rezidénsia Fulolo ba nia “Patraun boot Alkatiri”.
Infrasaun ne’e hatudu katak jornlaista barak halo notisia la balansu no la tu’ir pratika loloos ka mata-dalan reportajen, no mós jornalista ka editor sira la hato’o faktu loloos, maibé hatama fali interese pesoál iha laran.
Midia ne’ebe komete infrasaun hasoru kode étika jornalizmu,KI hasai ona notifikasaun ba mídia sira ne’e iha prosesu laran.
2,027 total views, 3 views today
Bele hare Video Seluk :
Subscribe to Timorpost
