Dili – 28 Nov 2023 – Iha Okaziaun Aniversáriu Loron Proklamasaun Independénsia Timor-Leste nian, Telemor, nu’udar fornesedór rede telekomunikasaun ida- ne’ebé boot liu, kontente tebes atu anúnsia implementasaun susesu teste rede 5G ne’ebé sei kobre, Timor Plaza iha faze dahuluk Implementasaun nian.
Konkista importante ida-ne’e marka avansu signifikativu importante ida iha revolusaun konektividade no loke posibilidade ne’ebé laiha limite ba Impementasaun ultra-broadband, hamosu konveniénsia ba negósiu no hadi’a kualidade moris ema nian.
Ho teste 5G nian ne’e, Telemor iha hanoin atu fornese velosidade ultra rápida no hasa’e konfiabilidade atu hatan ba demanda konekasaun ne’ebé sa’e maka’as. Teknolójia faze avansadu ida-ne’e mós hafasil dalan ba dijitalizasaun.
Benefísiu prinsipál rede 5G mak oferese velosidade download no upload ne’ebé mak lais liu hodi halo utilizadór sira bele haksolok ho tranzmisaun 4K ne’ebé mak la para, no jogu ne’ebé mak laiha atrazu tempu……
Telemor nafatin presiza atu atualiza liután kona-ba ninia rede 5G no servisu ho fornesedór aparellu sira: Apple/Samsung.. atu loke aparellu ne’ebé mak suporta 5G.
Aleinde teknolójia 5G, iha tinan 2023, Telemor mós introdús eSIM no serbisu hamutuk ho ByteDance atu kompleta implementasaun TikTok iha Timor-Leste. Foin daudaun ne’e, iha trimestre da-4, Telemor foin mak remata atualiza boot liu 30% rede 4G hodi lori esperiénsia serbisu nian ba kliente sira.
Hanesan parte ida husi vizaun ba tempu naruk, Telemor planea atu kolabora ho parseiru indústria sira hodi esplora posibilidade foun sira no promove transformasaun dijitál iha Timor-Leste.
Definisaun: 5G mak rede movel jerasaun dalimak hafoin rede ezistente 2G, 3G no 4G/4.5G. Rede 5G permite rede foun ida-ne’ebé dezeña atu liga virtualmente ema hotu no buat hotu hamutuk inklui mákina, objetu no aparellu sira. Teknolojia 5G bele fornese dadus multi-Gbps ne’ebé aas liu, laténsia ultra-low, konfiabilidade ne’ebé barak liu, kapasidade boot, disponibilidade ne’ebé mak aumenta, no esperiénsia utilizadór ne’ebé mak hanesan no liga indústria foun sira.
7,815 total views, 39 views today
Bele hare Video Seluk :
Subscribe to Timorpost
