Natal no Tinan Foun mak tempu ne’ebe publiku iha vontade boot atu halo kompra ba sasan sira, no akompanha ho presu sasan ne’ebe signifikamente aumenta. Iha kontestu ida ne’e, Telemor Fintech (Mosan) introduz ona promosaun sira ne’ebé atrativu ba públiku, hodi ajuda ema atu poupa sira nia gastu iha periodu ne’e no nafatin aproveita esperiénsia kompra ne’ebe konfortável.
Aproveita sosa sasan iha Timor Plaza no Meimart ho Promosaun Ne’ebe Diak liu
Iha loron 23 no 30 fulan Dezembru, Telemor Fintech (Mosan) dala ida tan aprezenta promosaun “cashback” ka “simu fali osan” ho montante 30% (maksimum cashback $5) husi valor total gastu, bainhira kliente utiliza Mosan hodi halo pagamentu iha Timor Plaza no loja Meimart sira seluk iha Dili, inklui Timor Plaza, Audian, no Fatuhada. Promosaun ida ne’e favoritu tebes husi kliente barak, tamba depois de kompra produtu sira no selu ho Mosan liu husi scan kode QR, kliente sei hetan “cashback” ka ” simu fali osan” ho montante 30% husi valor gastu, diretamente ba sira nia konta Mosan.
Metodu pagamentu ho QR kode ne’ebé Mosan oferese, ida ne’ebé elimina presiju ba moeda ka osan fisiku, no gradualmente ganha popularidade iha sidadaun Timor oan tomak nia moris loron-loron. Maibé, tanba metodu pagamentu ida ne’e sei foun ba ema barak, Mosan sei prepara nia ekipa iha fatin sira hanesan Timor Plaza, Meimart, no ajente Mosan atu orienta ema hotu, atu bele utiliza Mosan ho fasil no los. Iha fulan kotuk, durante eventu Día Nasional Poupança ne’ebé organizadu husi Banku Sentrál, Mosan no nia servisu hetan apoiu no enkorajamentu husi Banku Sentrál atu promove transformasaun digital iha setór finanseiru Timor-Leste nian. Ida-ne’e inklui servisu sira hanesan sosa pulsa elektrisidade, sosa dadus pakote, sosa pulsa telefone, no transferénsia osan liu husi Mosan.
Transferénsia Osan Doméstika Ne’ebé Gratuita no Fásil.
Aleinde promosaun cashback ba pagamentu sira ne’ebé halo liu husi Mosan, kliente sira bele aproveita mos promosaun husi transferénsia osan liu husi Mosan. Normalmente, kliente sira sei selu kustu trasferensia bainhira halo transferénsia osan iha rai laran. Maibé, iha periodu Natal no Ano Novu ne’e hahu husi dia 18 to 31 Dezembru, Mosan sei kompletamente fo fila fali kustu husi tranferensia osan ba ihakliente sira nia konta Mosan. Ho ne’e, ema bele aproveita transferénsia osan ho gratuita iha periodu ne’e.
Adisionalmente ba promosaun sira ne’ebé mensiona ona, Mosan kontinua mantein no atualizasaun promosaun sira ne’ebe existe ona ba servisu sira hanesan sosa dadus pakote, sosa pulsa telefone, no sosa pulsa elektrisidade liu husi Mosan. Kliente sira sempre bele hetan ofertas atrativu ho presu ne’ebe di’ak no diskontu ba servisu sira ne’e.
Ida ne’e hanesan evidénsia katak prezensa Telemor Fintech (Mosan) lori ona mudansa positivu ba povo Timor oan tomak nia moris lor-loron. Servisu transferénsia osan doméstika sai popular no asesível liu ba ema hotu-hotu iha rai laran. Sira bele sosa pulsa eletrisidade, dadus pakote, no creditu telemovel ka pulsa ho fasil iha sira nia uma. Tanba ne’e, metodu pagamentu ho QR kode ne’ebé Mosan fornese, elimina presiju ba moeda ka osan fisiku, halo transaksaun sai fasil liu. Mosan mós simplifika no asegura certeza ba distribuisaun subsidiu iha projetu barak ho Ministerio no NGO sira. Aspektu seluk ne’ebé importante mos atu mensiona maka, servisu hotu-hotu ne’ebé Mosan oferese ho presu konkurentes no promosaun ne’ebé frekuentemente, permiti ba ema atu poupa liu bainhira uza Mosan iha loron-loron.
Moris oferese mai ita oportunidade ne’ebe barak, tanba ne’e, mai ita hili buat ne’ebé bele fó kontribuisaun ba moris di’ak no halo mudansa positivu iha loron-loron. Mosan ho nia servisu sira dalaruma sei foun ba ema barak iha Timor-Leste, maibé bainhira ita hare esforsu ne’ebé Mosan halo atu promove servisu finanseiru digital ba públiku, ita bele fiar katak iha futuru no tempo badak, Timor-Leste sei hamrik ho dizitalizasaun ba servisu finanseira no sector lubuk seluk tan. Ho rezultadu ida ne’e, Timor oan tomak nia moris sei sai fasil no diak liu tan kada loron.
8,672 total views, 39 views today
Bele hare Video Seluk :
Subscribe to Timorpost
