MANUFAHI-Prezidente Repúblika Jose Ramos Horta iha sesta (17/03) kuda ai kakau oan ho hudi hun rihun ida ba rai ektare haat, iha ámbitu lansa kampaña nasionál.
Iha serimónia lansamentu ne’e, xefe estadu hateten, Timor Leste tenkei nakonu ho produtu agríkola hanesan Kakau, kafé, vanila, sorgun no koto.
Iha serimónia lansamentu ne’e, xefe estadu hateten, Timor Leste tenkei nakonu ho produtu agríkola hanesan Kakau, kafé, vanila, sorgun no koto.
“Ita tenke nakonu ho produtu agrikula no buat hotu-hotu ne’ebé nesesita hodi garantia seguransa alimentár” dehan xefe estadu iha Same, Sesta ne’e.
Tanba ne’e programa kuda ai-oan la’ós prezidente ninia papél no ida ne’e primeiru ministru ho ministériu agrikultura ninia papél maibé hanesan hanesan prezidente halo kampaña hodi ajuda.
“Sidadaun nu’udar prezidente ninia responsabilidade atu mobiliza ita nia povu ba serbisu no animal, MAP inklui fó ideas balun atu nune’e tinan lima mai Timor tenke garantia seguransa alimentár “nia dehan.
Timor tenke halo ida ne’e atu nune’e labele iha subnutrisaun, tanba subnutrisaun infantíl iha Timor barak-barak demais no labarik sira iha Manufahi presiza futuru ida di’ak.
“Tanba ne’e ha’u mós apoiu halo kampaña maka’as ba seguransa alimentár “nia hakotu.
Fatin hanesan reprezentante komunidade atua xefe suku Letefoho, postu administrative Same, munisípiu Manufahi, João Noronha deklara, komunidade iha rai privadu atu hodi kuda ai kakau oan.
“Ami iha rai privadu atu kuda ai kakau oan no ai-hahoris sira seluk ne’ebé bele benefísiu ekonomia ba família “dehan João.
Tuir nia katak, ai kakau no hahoris sira seluk bele iha produsaun di’ak hodi ba merkadu atu hetan valór ekonómiku.
Maski durante ne’e komunidade preokupa ho merkadorias oinsá atu fa’an ba, se mak hola no fa’an iha ne’ebé maibé fiar katak ho prezidente repúblika no vise ministru MAP ninia prezensa iha Manufahi bele lori anin fresku di’ak.
“Nee duni abertamente deklara apoiu tebes xefe estadu ninia programa kona-ba kampaña nasionál kuda ai kakau oan no programa sira seluk. Husu mós ba ministériu relevante atu tau iha konsiderasaun no apoiu to’os na’in sira hodi fó solusaun no kapasitasaun intensivu hodi aumenta to’os na’in sira nia koñesimentu hodi kuda kakau” nia sujere.
Iha okaziaun ne’e administradór munisípiu Manufahi, Arantes Isaac Sarmento hateten, agradese boot tebes ba xefe estadu nia programa kuda ai kakau oan iha Manufahi.
Tanba nia kakau hanesan parte ida importante tebes hodi hasae kresimentu ekonomia ba komunidade. Tanba ne’e ba komunidade sira tenke kuidadu ai oan ne’ebé estadu fó.
“Ita tenke kuidadu buat ne’ebé estadu fó tanba ida ne’e di’ak ba ita no di’ak hodi hadi’a ita nia ekonomia família uma laran “nia sujere.
Serimónia lansamentu ne’e partisipa mós husi embaixadór Brazil, Xina, Indonesia no sira seluk inklui membru parlamentu nasionál balun.
Tuir observasaun Timor post nota katak, hafoin lansamentu xefe estadu kontinua kedas ba lansa tetu sosa kakau musan husi to’o na’in sira iha fatin lansamentu.(lcl)
366 total views, 18 views today
