DILI, (timor post.com) — Kompañia Heinken servisu hamutuk ho grupu Arte Moris, dezeñu kamizola ho marka serveza Bintang, ne’ebé lansa ona iha Sesta, 24 fulan-Novembru tinan 2023, ne’ebé sei espalla ba munisípiu hotu.
Lasamentu ba produtu husi Arte Moris ne’e nu’udar parte parseiru ne’ebé kompañia Heinken halo ho talentu joven sira hanesan artístiku ida.
Iha Lansamentu ne’e, Manajer Corporate Affairs Heinken, Filomena Filipe, sente orgullu no apresia ba koperasaun ne’ebé kompañia Bintang halo ho Artista sira iha Arte Moris hodi dezeña kamizola tipu haat ho marka Serveza Bintang.
“Ha’u hakarak agradese ba parte Arte Moris ne’ebé maka servisu hamutuk ho Bintang hodi dezeña ita-nia kamizola marka Bintang, tipu haat ne’ebé exelente teb-tebes”, Manajer Heinken, Filomena Filipe, hatete liuhosi konferénsia imprensa iha edifísiu Arte Moris, Heliport, Bairru-Pité, Sesta, (24/11/2023).
Hnesan Timoroan sente orgullu ba antijimentu ne’ebé maka kompañia Heinken investe, no sempre lansa produtu foun ne’ebé ho susesu, ne’e servisu hamutuk ho joven talentu iha arte dezeña nian atu halo ligasaun entre Bintang ho nia konsumidór. Tanba ne’e Kompñia Bintang sempre prontu nafatin koopera ho kompañia lokál sira atu bele servisu hamutuk ba investimentu riku soin rai ida-ne’e nian ho mehi Timor-Leste bele di’ak liu iha futuru.
Iha fatin hanesan Diretór Arte Moris, Iliwatu Danabere, hatete ezisténsia Arte Moris iha nasaun ne’e dezde 2003, ne’ebé atu harii talentu joven sira-nian iha nasaun ida-ne’e.
Dezde Heinken halo investimentu, kooperasaun di’ak ho Arte Moris, foin iha tinan ida-ne’e ho produtu kamizola marka Bintang tipu haat ne’ebé kuantidade boot atu distribui ba munisípiu hotu iha Timor laran.
“Ami kontribui ba Heinken husi inísiu kedas iha tempu pasadu, mais ohin ne’e maka ita halo dezeñu kamizola marka Bintang, ida-ne’e mak produsaun ida másimu uitoan barak liu atu distribui ba to’o munisipiu hotu”, Diretór Arte Moris, Iliwatu Danabere, hatete.
Tanba ne’e Arte Moris agradese komitementu Heinken ne’ebé iha inísiu hakarak koopera ho artista Timoroan iha arte moris hodi promove talentu joven sira-nian iha área arte dezeñu.
“Ami apresia tebes ba Heinken ne’ebé uza talentu artista lokál iha arte moris hodi halo promosaun ba produtu dezeñu kamizola ho marka Bintang”, nia akresenta.
Nune’e Jestór Arte Moris ne’e, husu ba kompañia sira seluk ne’ebé eziste iha nasaun ida-ne’e atu konsidera talentu Timoroan sira iha Arte Moris hanesan múzika, iha pinta, ne’ebé produtu arte ne’e kombinasaun entre liman ho eletrónika.
Aleinde ne’e Manajer Brand Ezekutivu, Tiago Graça, hatete, Heinken lansa promosaun foun ba tua ho marka Bintang, ne’ebé sei distribui ba konsumidór sira karik sosa kaixa ida sei hetan tiket gratuita.
Tuir observasaun Timor Post, iha serimónia lansamentu ne’e, aleinde konferénsia imprensa, halo mós promosaun ba kamizola mutin ho dezeñu furak, lafaek kaer serveza Bintang no Boneka sira seluk ne’ebé ka’er Lata serveza Bintang.
Hafoin lansamentu produtu no kamizola marka Bintang, komisaun mós organiza jantar hamutuk ho parséiru sira hodi hatais kamizola no festeza hamutuk ho serveza Bintang ne’ebé sei halo promosaun ba teritóriu Timor laran tomak.(*)
1,412 total views, 6 views today
Bele hare Video Seluk :
Subscribe to Timorpost
