Likisá (timorpost.com) – Prezidente Republika (PR), Jose Ramos Horta, halo lansamentu Primeira Pedra ba konstrusaun Pelican Paradise iha Tibar, Munisípiu Likisá.
“Ohin ha’u haree investimentu ne’e ha’u kontente tanba akompaña investimentu no projetu ne’e iha tinan lubuk nia laran, ne’ebé han tiha ona tinan 5 ka 10 liubá, maibé rai ida ne’e sempre iha Ministru balun sempre komplika buat hot-hotu. Ne’ebe ita sorte ema rejioziu tebes, ne’ebé mai ho mehi para ajuda Timor, la’ós nia hakarak osan tanba nia katuas ona,” nia hateten hafoin Serimónia lansamentu iha Tibar, Sesta (25/11).
Nia haktuir, Emprezáriu ne’e kaer ona projetu boboot iha Singapura no Malázia, maibé nia mai Timor tanba nia fiar, uluk nia mai lori kontentor lubuk ida, hanesan hahán, roupa, ai-moruk nia dehan ida ne’e la sufisiente no nia la rezolve Timor nia problema, Tanba ne’e hakarak kontribui hodi halo otel ba joven sira iha rai ida ne’e.
Portantu investimentu bo’ot, agora sira hahú ona prepara Rai no ke’e lori mákina, no dezeñu halo buat oi-oin, ne’e supan modernu iha Dubai no Sidney, ne’ebé atu aranka duni iha Fulan Abril. Tanba ne’e agora sira sei prepara Rai, dada bee, lori ekipamentu, kontratu ho emprezáriu bo’ot.
“Nune’e ha’u husu hodi kontratu empreza Timoroan balun hodi nune’e sira mós hetan kontratu husi grupu Timoroan balun, tanba ha’u lakohi kontrator husi ema li’ur mak mai hodi halo projetu ida ne’e, ne’ebé buat balun husi ema rai li’ur no balun husi Timoroan lubuk ida ne’e mak halo, no ha’u sei tau matan para halo obra ne’e”, Horta informa.
Depois atu rekruta tenke 90% Timorense no depois atu servisu iha fatin seluk servisu barbarak iha otel ne’e, ema ne’ebé haree bee, hadi’a mekaniku Komputador, halo manutensaun, servisu iha Kuartu, restorante, enkuantu otel ne’e sei iha otel haat, Portu Peska nian, nia mak entrega ro Peska ba peskador sira hodi lori ikan mai.
“Investimentu bo’ot ne’e agora buat hotu prontu hodi aranka, maibé iha tempu seluk nia hakarak aumenta, aranka iha faze tolu, maibé agora nia aranka ho faze rua, no ida terseiru mak sei haree ba oin hodi halo, maibé faze importante maka Primeiru no segundu nian”, nia dehan.
Iha Fatin hanesan Prezidente Gimpo Pelican Paradise, Datuk Dr Edward Ong, afirma ba projetu ne’e agora sei iha prosesu tenderizasaun ona, ne’ebe iha tempu badak sira hili kontrator, no sira sei fó tempu uitoan atu halo sira-nia preparasaun no mobilizasaun. Nune’e parese la to’o fulan haat karik sira mós jahú servisu ona.
“Ami sei hahú konstrusaun sosiu nian, ne’ebé prosesu ne’e sei loke vagas servisu ba ema kuaze rihun ida, ne’ebé projetu ida ne’e nia duransaun tinan tolu, portantu agora ba osan projetu ne’e fó folin ikus iha kontrator, maibé ami-nia istimasaun 400 milaun hanesan ne’e”, nia hateten.
Tuir Observasaun Timor Post, iha serimonia lansamentu ne’ebé hahú tuku 6:00 kalan, ne’e hetan partisipasaun másimu husi Prezidente Republika, José Ramos Manuel Horta, Cardeal Dom.Virgilio do Carmo da Silva SDB, Eis Primeiru Ministru, Mari Alkatiri, Primeiru Ministru, Taur Matan Ruak, Prezidente Parlamentu Nasionál, Aniceto Guterres Lopes, Membru Governu sira, Ministru Komérsiu Asuntu Ekonomikus (MCAE) Joaquim Amaral, Ministru Turizmu Komérsiu no Indústria (MTKI), Jose Lucas do Carmo da Silva, Ministra Saúde (MS), Odete Maria Freitas Belo, Ministru Agrikultura e Peskas (MAP) Pedro dos Reis, Tanente General (F-FDTL) Falur Rate Laek, Embaixadór Kedutaan Besar Republik Indonesia (KBRI) Okto Dorimus Manik, embaixadór sira, Emprezáriu sira hotu iha Timor-Leste no partisipante sira.
2,450 total views, 3 views today
Bele hare Video Seluk :
Subscribe to Timorpost
