DILI—Ministru Finansas, Rui Augosto Gomes, informa, Ezekusaun reál Orsamentu Jerál Estadu (OJE) 2023 ba Todo Governu– esklui kompromisu no obrigasaun sira, to’o loron 16 Maiu 2023 atinji ona Millaun 387 USD ou sa’e porsentu 21 hosi orsamentu aprovadu Biliaun 2,16 USD.
“Ita nia ezekusaun orsamentu 2023 kuandu haree husi todo governu, ne’e atinji millaun 387 USD ou porsentu 21 to’o horisehik”, nia relata, ba jornalista sira hafoin remata reuniaun Konsellu Ministru, iha Palasiu Governu, Kuarta (17/05).
Nia hatete, posivelmente ezekusaun orsamentu ne’e bele sa’e tan to’o porsentu 22 ou 23 tanba horisehik Ministériu Finansas aprova tan ona salariu sira.
“Ezekusaun sira ne’e maioria ba despezas korrente. Iha saláriu vensimentu, selu bens servisu prosesu aprovizionamentu la’o hela, tanba jeralmente ultimo trimestre ne’e mak nia ezekusaun sa’e maka’as,” nia dehan.
Nia haktuir, orsamentu ida ne’e governu prepara to’o 31 de Dezembru 2023 ka to’o formasaun nunu governu mai. Bainhira orsamentu la konsege ezekuta hotu ne’e depende ba governu foun mai.
“Iha nunu governu karik hakarak halo ratifikativu, ne’e prerrogativa nunu governu niain,” nia hakotu.
Entretantu, Lei OJE 2023 ne’e rasik hetan ona promulgasaun hosi Prezidente Repúblika, José Ramós-Horta iha fulan-Dezembru 2022.
1,284 total views, 3 views today
Bele hare Video Seluk :