DILI, (timorpost.com)– Deskonfia matéria ezame teste Austrália nian iha munisípiu Aileu bocor ka ema balun hetan uluk ona matéria antes ezame.
Matéria ezame ne’ebé públika husi Agistinho de Fátima Boavida liuhosi konta Facebook, Agus Movimentu, lamenta ho matéria ne’ebé ema balun hetan uluk ona no balun seidauk hetan.
“Lamentável ho soal (matéria) ba teste refere katak iha ema balun hetan ona soal refere. Mai husi ne’ebé? See mak halo? Tamba ha’u iha evidiénsia. Ba maluk joven sira iha Aileu aban bele teste favór haree perguntas mak tuir mai ne’e. Husi SEFOPE karik see de’eit la puas bele mai kaer ha’u. Ha’u prontu responde, tamba ha’u hakarak ba ema hotu teste tenke lori kakutak mak bele indika ka sukat ba koñesementu ligadu ho teste referé?”, publikasaun iha konta Facebook, Agus Movimentu iha oras ida liuba ne’ebé Timor Post asesu ohin, Sábadu, (02/03).
Nia hatutan, “Pergunta serake kompañia nia hakarak mak ema balun hetan uluk soál ka ne’e partidariza, ne’e ha’u nia deskonfia. Maluk sira iha Timor-Leste bazeia ba teste ho data ne’ebé iha por munisípiu bele haree pergunta anexu. Ha’u fiar 100% mosu, tamba ha’u mós partisipa iha teste refere iha ohin dader tuku 08:30-09:00am, ha’u sente perguntas refere todan maibelé ha’u-nia inglés maka ladi’ak, kompara ho maluk balun hetan soal antes? Maluk sira tuir mai anexu bele share ha’u prontu toma responsabilidade tamba iha evidénsia”.
Nia lamenta tanba ezame atu sai traballadór iha Austrália de’it nune’e ona satán servisu iha ministériu sira.
Maske nune’e, nia apresia ba polítika Sekretáriu Estadu Formasaun Profesionál no Empregu (SEFOPE) nian hodi kria kondisaun ba joven ne’ebé la asesu ba kampu traballu hodi minimiza dezempregu.
Husi publikasaun ne’e, netizen iha Facebook balun la konkorda publika matéria refere iha média sosiál no balun rekoñese katak matéria ne’e mak uza hodi fó ezame ba kandidatu traballadór sira.(*)
24,345 total views, 9 views today
Bele hare Video Seluk :
Subscribe to Timorpost
