ADVERTISEMENT

Rezultadu Timor-Leste Tama ASEAN, Sei Rona Iha Fulan Novembru 

Mario da Costa - Jeral
Reportajen : Mariano Abi
Editor : Mário da Costa
  • Share
Prezidente Repúblika, José Ramos Horta, fila hosi Kamboja, simu direta hosi Primeiru Ministru, Taur Matan Ruak, Imajen Esp.

DILI (timorpost.com) — Realasiona ho Prezidente Repúblika, hala’o vizita estadu ba Kamboja iha loron 20/10/2022, Xefe Estadu hala’o enkontru kortejia ho Prezidente Senadu, Say Chhun, Prezidente Asembleia Nasional, Heng Samrin no Primeiru-Ministru, Hun Sen, hodi ko’alia kona-ba reforsu relasaun bilaterál entre Timor-Leste ho Kamboja.

Nia hatete, enkontru ho alta entidade husi Reiñu Kamboja, reprezenta Kambodia nia prontidaun hodi apoiu Timor-Leste nia adezaun bá ASEAN.

“Husi ne’e hatudu relasaun Timor-Leste ho Kamboja metin loos, ne’e kontinua prosesu esforsu atu tama ba ASEAN, Xefe Estadu ASEAN nian ne’ebé sei reuniaun agora iha primeira semana iha fulan Novembru, sira sei halo desizaun,” PR Horta hateten hafoin fila husi Kamboja, iha Salaun VIP Aeroportu Komoro, Domingu (23/10).

Lee Mós:
Construção de portos regionais suspensa

Xefe Estadu, dehan desizaun ne’e kalru, konsensu iha tiha ona, hodi Timor-Leste atu tama, maibé sira mak sei deside kalendáriu kona-ba bainhira loos mak tama, ne’e sira sei fó hatene sai iha fulan Novembru.

“Ita ko’alia dala-barak ona kona-ba preferénsia Timor-Leste nian, preferénsia seluk nian mós atu nune’e ita tama iha 2023 iha tempu Prezidénsia Indonézia nian. Mais ne’e klaru, desizaun ne’e partense ba Xefe Estadu ne’ebé sira sei halo reuniaun simeira iha fulan Novembru mai ne’e,” PR Horta hakotu.

 1,363 total views,  6 views today

Oinsa Ita nia Reaksaun iha Notisia Nee?
Like
Love
Haha
Wow
Sad
Angry
You have reacted on “Rezultadu Timor-Leste Tama ASEAN, Sei Rona Iha …” A few seconds ago
  • Share
ADVERTISEMENT
SCROLL FILA BA NOTISIA


Notisia Timorpost Seluk


Komentariu :
Timorpost.com. Respeita tebes Ita Nia opiniaun. Laran luak no uza etika bainhira hatoo opiniaun. Opiniaun iha Ita Nia responsabilidsde, tuir lei ITE.

Varanda
Kategoria
Video
Buka
Watch
Facebook
error: