DILI (Timor Post.com)—Prezidente Parlamentu Nasionál (PPN), Maria Fernanda Lay rejeita opiniaun NGO La’o Hamutuk kona ba “Parlamentu la sériu atu kombate korrupsaun”, ha’u nia pergunta? señor, nia papél kontrolu ka feedback iha ne’ebé, nia ko’alia de’it iha jornál, mais nia lahatene saida mak nia ko’alia.
Prezidente Parlamentu ne’e dehan, prosesu konsensu hili Komisáriu Komisaun Anti-Korrupsaun (KAK) depende desizaun konsensual husi Bankada CNRT (C) ho Fretilín (F).
“Ami ko’alia ona, kona-ba oinsá halo konsensu, oinsá deputadu/a no kada bankada sira bele foti desizaun ida konsensual ba komisáriu KAK foun.” Haktuir Fernanda Lay ba Jornalista sira hafoin enkontru lider Bankada iha PN, Sesta-feira (29/09/2023).
Prezidente Parlamentu ne’e hatete, bainhira bankada rua, entre C ho F sira permite atu aneksu iha ajenda, husu para adia, ha’u tuir saida maka bankada sira husu, signifika segunda Tersa, bele akontese no mós bele la akontese.
Nia dehan, labele kritika de’it dehan, Parlamentu la sériu atu kombate korrupsaun ba husu bankada C ho F sira nia komunikasaun iha ona rezultadu ka lae? NGO ida ne’ebé ko’alia ami laiha interese ba kombate korrupsaun ne’e la loos, tanba iha órgaun seluk mak tau matan ba ida ne’e.
“Ha’u deklara katak karta aseitasaun tama hotu ona, maibé iha problema seluk ke ha’u la presiza fakar ba públiku, la’ós situasaun saida maka iha ne’e ko’alia, maibé hato’o hotu ba públiku ne’e sala, tanba iha balun ke konsumu polítika la’ós ami atu para imi ataka fali ami, ne’e lae.” hakotu.
1,523 total views, 3 views today
Bele hare Video Seluk :