ADVERTISEMENT

Ela Variana Husu Justisa

Neomio Falcao - Jeral
Jornalista : Noemio Pinto Perreira
Editor : Hermenegildo da Costa Tilman
  • Share

Dili (timorpost.com)—Ela Variana hanesan na’in ba konta facebook halo autodefeza ba an hodi klarifika ba publika kona ba sentidu husi publikasaun ne’ebé ofende Primeiru-Ministru, Xanana Gusmão.

“Ha’u nu’udar sidadaun kestiona makaas ba knaar PNTL ne’ebé tuir loloos sai nu’udar liman kro’at hodi asegura nia povu maibé ohin loron sai fali liman kro’at hodi asegura elite sira nia interese, iha tempu hanesan media nu’udar ibun hodi hato’o informasaun ne’ebé loloos ba povu maibé ohin loron sai fali ibun ba ema elite sira hodi manipula informasaun ba públiku”. Dehan Ela variana, hato’o asuntu ne’e ba jornalista sira liuhusi komunikadu Imprensa, iha salaun KEP-MERS, Vila-Verde, Segunda ( 17/07/2023 ).

ADVERTISEMENT
SCROLL FILA BA NOTISIA


Nia haktuir, ohin loron estátua PNTL no media balun sai liu ibun ba ema elite sira hodi manipula informasaun ba públiku ida ne’e hamosu injustisa sosiál iha Timor-Leste.

“Kronolojia loloos ba xamada PNTL ne’e la los hanesan media fó sai ba públiku, iha loron 12 fulan Jullu 2023, mais ou menus tuku 9:00 parte PNTL to’o iha ha’u nia fatin Manleuana, maske sein karta ruma no ha’u nafati koopera”. Nia haktuir.

Lee Mós :
Familia Hetan Ona Antonio Nia Mate Isin

Bainhira Polísia Nasionál Timor-Leste (PNTL), liuhosi Departamentu Investigasaun Kriminál (DIK) sira ba ho telemovel hodi hatudu komentáriu hosi media sosiál facebook no kumpre de’it orden hosi komandu jerál PNTL, iha momentu ne’ebá ha’u koopera di’ak tebes ho parte  DIK no husu sira nia klarifikasaun oi tuan kona ba komentáriu ne’ebé sai nu’udar razaun hosi sira nia xamada.

“Ha’u iha reasaun uitoan tanba iha momentu ne’e iha membru PNTL ida konsege hatudu liman mai ha’u ho ameasa. Hahalok ida ne’e nu’udar pratika halakon ha’u direitu liberdade espresaun tuir artigu 40 númeru 2 iha KRDTL ho ida ne’e ha’u sente injustu tebes hodi diskute malu ho nia maibé la to’o minutu 20 no 25 hanesan mídia tatoli, hatutan no STL media fó sai ba públiku”. Nia konta.

Lee Mós :
Ezbosu Kriminaliza Difamasaun Amostra Inkapasidade Governu

Nia hatutan, antes ba hatán iha Kaikoli, Media  balun komesa publika ona informasaun hosi parte PNTL no lakohi atu buka informasaun direita mós hosi ha’u maibé deside publika sai informasaun ne’ebé la sai los ba públiku.

”Tan ne’e ha’u lamenta tebes ba abuzu podér hosi parte PNTL ne’ebé halo xamada sein keixa hosi vítima no iha tempu hanesan, ha’u hetan mós ameasa hosi membru PNTL ida, no lamenta mós imparsialidade hosi media ne’ebé la sai ona ibun hodi hato’o lian hosi povu maibé sai instrumentu hodi manipula informasaun tuir interese eleitu nian”.

 Ho ida nu’udar vítima hakarak ezije justisa ne’ebe kredibel. Husu ba parte komponente atu kondena, aktu husi membru PNTL ne’ebé pratika abuzu podér.

“Ha’u mós husu ba Konsellu Imprensa (KI) atu kontrola media sira hanesan RTTL, Hatutan, STL News no Tatoli hodi hato’o informasaun ne’ebé loos ba públiku, ikus liu ha’u sei hamutuk ha’u nia defeza, ezije ha’u nia naran di’ak tanba prosesu ne’ebé liu dalan legal la hatudu katak ha’u iha sala.

Lee Mós :
Deputados do CNRT e FRETILIN defendem construção de novas instalações para PN

Atu hatete fali katak iha loron 12 fulan Juli Polísia Nasionál Timor-Leste (PNTL), liuhosi Departamentu Investigasaun Kriminál (DIK), ka’er tán ema na’in-ida ho konta facebook ho naran Ela Variana, tanba lansa liafuan ne’ebé ofende Primeiru-Ministru, Xanana Gusmão.

Xefe DIK Superintendente João Belo dos Reis, dehan DIK bolu Ela Variana hodi halo identifikasaun, buka hatene de’it razaun saida mak sidadaun ne’e hakerek nia konta facebook ho liafuan ne’ebé ofende lider Xanana Gusmão no atu buka hatene katak konta facebook ne’e nia mak uza ka ema seluk.

DIK halo atuasaun ba Ela Variana iha Kuarta-feira, maizmenus tuku 8:00 dader, komandu lori kedan iha nia hela fatin Manleuana hodi submete ba prosesu identifikasaun.

 

 

 1,860 total views,  12 views today

Oinsa Ita nia Reaksaun iha Notisia Nee?
Like
Love
Haha
Wow
Sad
Angry
You have reacted on “Ela Variana Husu Justisa” A few seconds ago

Bele hare Video Seluk :
  • Share
ADVERTISEMENT
SCROLL FILA BA NOTISIA

Notisia Timorpost Seluk


Komentariu :
Timorpost.com. Respeita tebes Ita Nia opiniaun. Laran luak no uza etika bainhira hatoo opiniaun. Opiniaun iha Ita Nia responsabilidsde, tuir lei ITE.

Varanda
Kategoria
Video
Buka
Watch
Facebook
error:
Simu Notifikasaun Hosi Timor Post Online! OK No