BAUKAU(timorpost.com)—–Atu hakotu transmisaun aides Aygepty SMS (Servisu Munisipal Saude) Liu husi programa Saude ambiental munisipiu Baukau hahu halao atividade fumigasaun KA Rega susuk massal iha area RSS (Rumah Sangat Sederhana) iha vila-nova.
“Ita halo Fumigasaun masal iha area RSS nian tanba Ita hare area RSS Uma neebe besik malu liu, i Kazu dengue MOS iha tanba nee Mak Ita hakarak Rega husi Uma ba Uma para hakotu transmisaun susuk Aides Aygepty”Dehan Responsabel programa Saude ambiental iha servisu munisipal saude Baukau Cesaltina Fraga ba Timor Post Tersa feira (5/3) wainhira halao Hela atividade Fumigasaun iha area RSS vila Nova Baukau vila.
Nia esplika atividade Rega susuk halao tempu dadersan no Lokraik ho durasaun tempu la determina loron Hira tanba hakarak bairo RSS hetan hotu Fumigasaun relasiona Hela Fatin neebe la iha espasu, maibe karik Fatin seluk Mak akontese Kazu emergensia pesoal Sira fahe malu atu atende.
“Iha Fatin seluk registu Kazu dengue maibe atividade Rega susuk Ami fokus lai ba RSS tanba Uma besik malu maibe iha Fatin seluk Mak akontese Kazu emergensia dengue Ami Nia voluntariu Sira fahe malu ba Rega maibe Agora nee RSS uluk lai”Nia esplika
Nia afirma, atividade Fumigasaun Rega aimoruk Malation, fahe MOS aimoruk Abate ba komunidade Sira Atu tau iha bidon no Tanki neebe bee iha ba ho intensaun oinsa hamate susuk Nia tolun iha bee laran tanba Rega hamate deit susuk boot Sira maibe tolun iha Nafatin.
Tuir dadus neebe iha Kazu moras dengue neebe regista iha fasilidade saude, inklui area RSS hamutuk sia nulu neebe maioria afeta ba labarik tinan Ida ba leten tanba nee hakarak halao atividade Rega susuk hahu husi RSS hafoin kontinua ba area Sira seluk tanba uma populasaun Hela rabat malu.
“Hanesan responsabel ami husu ba komunidade Sira Atu kontinua halo limpeza tanba atividade Fumigasaun ho avatisasi nee ultimu rekursu neebe Ita halo maibe dalan Diak Liu nee Mak komunidade Sira hamoos Tanki bee, bidon, roda no vazu aifunan bee nalihun hamoos para hamate tolun KA larva tanba Rega deit susuk Nia tolun la mate”Nia Apela.
Iha Fatin hanesan komunidade RSS Maria Fatima Ximenes ho Julio Correia Senti kontenti ho parte Saude bele Mai halo atividade Rega susuk tanba kada tinan tempu udan susuk sempre barak halo labarik Sira sempre hetan moras dengue, maske dadaun nee la iha ona.
“Ami Senti kontenti Saude Sira Mai Rega Ona iha Ami Nia Fatin tanba dala ruma labarik Sira hetan moras ba baixa iha hospital, Tan nee ho susuk barak los maske Agora labarik Sira la moras Ona maibe Agora nee susuk Nia tempu,l, Ita persiza antisipa Diak Liu”Dehan komunidade nain rua nee.
Total Kazu dengue neebe parte programa Saude ambiental iha hamutuk Kazu 90 kompostu husi feto 38 no Mane 52, dadaun nee rekopera hotu Ona.
3,228 total views, 3 views today
Bele hare Video Seluk :
Subscribe to Timorpost
