ADVERTISEMENT

Selebra Loron Nasionál Feto, Mikato ‘Hirus’ Armanda Berta ho Signi Verdial

Mario da Costa - Jeral
Jornalista : Jaime Pires
Editor : Mario da Costa
  • Share
Eis membru Governu, Maria Domingas Alves "MIKATO", Imajen TP/Jaime Pires

DILI (timorpost.com) – Iha Selebrasaun Loron Nasionál Feto, Eis membru Governu, Maria Domingas Alves “MIKATO” hirus Ministra Solidariedade Sosiál no Inkluzaun, Armanda Berta, ho nia Vise-Ministra MSSI, Signi Verdial, tanba la marka prezensa.

“Ha’u ko’alia ida ne’e tanba ema hotu-hotu ohin mai partisipa ne’e kontente no haksolok tebes, sira hasolok tanba hakarak mai hamutuk ho sira nia lider, maski daudaun ne’e debate OJE iha Parlamentu, maibé seidauk tama ba orsamentu MSSI nian,” dehan Reprezentante Feto ne’e, iha Salaun MSSI, Kinta (10/11).

ADVERTISEMENT
SCROLL FILA BA NOTISIA


Lee Mós :
OMS pede a HNGV que se desfaça das vacinas estragadas

Nia dehan, se hanesan ne’e di’ak liu sira muda tiha programa ida ne’e, atu nune’e iha ámbitu selebrasaun ne’e Ministra sira iha hodi selebra hamutuk ho nia maluk Feto sira liuliu nia funsionáriu MSSI.

“Agora konvida tiha ami mai sira laiha fali, ami mak mai atu halo nusa, depois la konsidera ami hetan konvite mai atu halo saida, ne’ebé nia la konsidera ami pior liu funsionáriu sira hotu,” deklara nia.

Nia subliña, tanba tinan ida dala ida hodi selebra loron ida ne’e no fó konsiderasaun ba Feto sira hotu iha Timor-Leste, liuliu funsionáriu sira iha MSSI rasik.

Lee Mós :
Prezidente Espesiál Olímpiku Agradese ba Governu TL

“Agora ita Feto ho Feto mak la valoriza malu uluk ona, satán iha ámbitu selebrasaun loron nasionál Feto ninian, tanba Feto sira ohin mai hatais kabaya kapás ne’e hakarak mai haree no hamutuk ho sira-nia lider ne’e, la akompaña to’o hotu, maibé minutu rua ka tolu de’it mai loke de’it serimónia depois ba atividade seluk mós laiha buat ida,” nia subliña.

Eis Ministra Solidariedade Sosiál no Inkluzaun (MSSI), ne’e reforsa, nia la’ós hatún ka kritika Ministra Armanda Berta ho Nia Vise-Ministra Signi Verdial, ne’e lae, maibé kritika konstrutivu.

Lee Mós :
Ema Barak Insulta, Armanda Berta Fó resposta Fali

“Tanba ha’u mós nu’udar hanesan Feto mai iha loron Feto hakarak ha’u-nia lider sira hamutuk ho ha’u, ida ne’e de’it laiha tan buat seluk no intensaun seluk, ha’u nia hakarak valoriza ita-nia bin-alin Feto sira tanba ida ne’e fáz parte diskriminasaun,” nia hakotu.

 1,528 total views,  3 views today

Oinsa Ita nia Reaksaun iha Notisia Nee?
Like
Love
Haha
Wow
Sad
Angry
You have reacted on “Selebra Loron Nasionál Feto, Mikato ‘Hirus’ Arm…” A few seconds ago

Bele hare Video Seluk :
  • Share
ADVERTISEMENT
SCROLL FILA BA NOTISIA

Notisia Timorpost Seluk


Komentariu :
Timorpost.com. Respeita tebes Ita Nia opiniaun. Laran luak no uza etika bainhira hatoo opiniaun. Opiniaun iha Ita Nia responsabilidsde, tuir lei ITE.

Varanda
Kategoria
Video
Buka
Watch
Facebook
error:
Simu Notifikasaun Hosi Timor Post Online! OK No