DILI, (timorpost.com) – Dili Intitute of Technology (DIT), iha loron 29 fulan-Novembru tinan 2023 realiza serimónia graduasaun dala-18 ba estudante sira, no gradua tan timoroan ho grau Mastradu hamutuk na’in 5 no lisensiatura hamutuk 270, iha salaun DIT, Manleu-Ana, Dili.
“Ohin 29 de Novembru 2023, sai hanesan momentu importante dala ida tan ba vida akadémika Dili Institute of Technology, tanba ne’e ho ksolok bo’ot ba ha’u-an nu’udar Reitór no Presidennte Senadu Akadémika DIT, dala ida tan konfere grau akadémiku ba estudante finalista sira momentu ida-ne’e mós sai espesiél tebes tanba horseik Timor-Leste komemora loron Proklamasaun Indepedénsia, no iha 27 Novembru selebra loron Inan Santa Grasa wa’in, mahein DIT nian,” Reitór DIT, Salustiano dos Reis Piedade, hatete liuhosi nia diskursu iha ámbitu graduasaun ba finalista hamutuk 175 iha salaun DIT, Manleu-Ana, Dili.
Nia hatutan “Ho orna bo’ot, Dili Institute of Technology hakarak apresenta ba públiku katak totál estudante finalista ne’ebé mak tuir serimónia graduasaun ba dala-18 iha fulan-Novembru tinan 2023 hamutuk 275, husi ida-ne’e School of Enginering and Seince ema na’in 87, School of Petrolium Studies ema na’in 34, School of Business and Management ema na’in 117, ho School of Tourism and Hospitality ema na’in 32, programa Mastradu Master of Business Adiministration ka MBA ema na’in 5”.
Serimónia graduasaun ne’e partisipa mós husi Ministru Edukasaun Superiór Siénsia no Kultura (MESSK), José Honório da Costa Pereira Jerónimo, Xefe Estadu Maiór Jenerál F-FDTL, Tenente Jenerál Falur Rate Laek, inklui bainakda espesiál no família graduadu sira.(*)
2,658 total views, 3 views today
Bele hare Video Seluk :
Subscribe to Timorpost
