ADVERTISEMENT

TL Sai Modelu Exemplar Ba País Somália

Timor Post - Ekonomia · Internasional
  • Share
Asesor Senior ba MCAE, Estanislau Aleixo da Silva

DILI (Timor Post) – Timor-Leste hetan prevelijiu husi Sekretariadu Organizasaun Mundial Komérsiu (OMK) iha Jenebra, Suica (Swiss) hodi fahe esperiensia ba país Somália liu husi konvite faze dahat husi série webinar OMK nian ne’ebe realiza iha loron 25 Maiu 2021.

Liu husi komunikadu imprensa ne’ebé Timor Post asesu husi Gabinete Protokolu no Relasoen Públika Ministru Koordenador Asuntu Ekonómiku (MCAE), Renato da Costa hateten, iha sorumutu ne’e, TL sei fornese persepsaun kona-ba situasaun atuál adezaun TL nian ba OMK. Inklui, esperiênsia pozitivu komersiu nian ne’ebe Timor-Leste hakat liu tiha ona liu husi ninia reprezentante Estanislau Aleixo da Silva husi Gabinete MCAE.

ADVERTISEMENT
SCROLL FILA BA NOTISIA


Lee Mós :
Governu Japaun Kontinua fó Asisténsia hodi Melhora Komunidade nia Moris iha Timor-Leste

Sei husi komunikadu ne’e, sorumutu virtual ne’ebe hetan mos partispasaun másimu husi Banku Mundial ne’e sei hetan intrudusaun husi Embaixadora Zhanar Aitzhanova, husi Kazaquistaun ne’ebe oras ne’e asumi papel nu’udar presidênte negosiasaun serbisu OMK nian.

Katak karta komunikadu MCAE liu husi Whats App (WA) ne’e, hafoin introdusaun, reprezentante TL sei partilla vizaun krítika kona-ba desizoens komersiais ne’ebe Governu Somália presiza ezekuta liu-liu konaba konsepsaun no operasaun hodi hametin lina koordenasaun entre ajênsia sira.

Iha okaziaun ne’e reprezentante TL sei fahe mos esperiensia seluk konaba mekanismu konsultasaun   ne’ebe presiza implementa ho partes interesadas eksternas no mos ba instituisaun relevantes sira seluk konaba formulasaun polítika komersiais ne’ebe efikazes.

Lee Mós :
EUA Kria Kooperasaun ho MESSK Fasilita Bolsa Estudu Ba Timoroan

Somalia hahu’u elabora planu ” First Working Party Meeting” desde Dezembru 2016 maibe to’o agora seidauk realiza. Ho’o nune’e, Sekretariadu OMK hakarak tebes atu rona rasik oinsa Timor-Leste nia esperensia pozitivu hirak nee liuhusi enkontru   Second Working Party Meeting.

Sorumutu virtual nee ofisialmente sei ensera husi Embaixador Suécia (Swedia) nian ba Organizasaun Mundial Komérsiu (OMK) neebe oras nee asumi pozisaun nuudar Xefe Adjuntu Misaun OMK nian iha Jenebra, Mikael Anzén.

Haktuir husi publikasaun ne’ebe fo sai husi WTO Accessions News Letter, edisaun 104-Marsu 2021, Grupu Traballu adezaun Timor-Leste ba OMK oras nee finaliza hela faze negosiasaun konaba kontribuisaun hotu inklui resposta eskrita bazeia ba perguntas hotu ne’ebe hato’o husi pais membrus OMK nian liuhusi koordenasaun Ministru Koordenador Asuntu Ekonómiku (MCAE) Eng Joaquim Amaral.

Lee Mós :
Problema Iha Fronteira, Servisu Migrasaun Aprezenta Fukun

Oras ne’e, Governu Timor-Leste hamutuk ho pais 24 sira seluk sai paizes observador hodi akompana prosesu tomak konaba rekezitus atu sai membru OMK hanesan ho 165 paizes sira seluk.

Organizasaun Mundial Komérsiu (OMK) nu’udar organizasaun ne’ebe trata konaba regras komérsiu entre nasaun ho objetivu hodi garanti atividades komersial hotu lao ho livre ho nia predisaun hotu.(Lee notísia seluk iha jornál Timor Post)

 1,031 total views,  3 views today

Oinsa Ita nia Reaksaun iha Notisia Nee?
Like
Love
Haha
Wow
Sad
Angry
You have reacted on “TL Sai Modelu Exemplar Ba País Somália” A few seconds ago

Bele hare Video Seluk :
  • Share
ADVERTISEMENT
SCROLL FILA BA NOTISIA

Notisia Timorpost Seluk


Komentariu :
Timorpost.com. Respeita tebes Ita Nia opiniaun. Laran luak no uza etika bainhira hatoo opiniaun. Opiniaun iha Ita Nia responsabilidsde, tuir lei ITE.

Varanda
Kategoria
Video
Buka
Watch
Facebook
error:
Simu Notifikasaun Hosi Timor Post Online! OK No