DILI (timorpost.com) – Eletrisidade de Timor-Leste, Empreza Publika (EDTL.EP) ho Konsultór PT. Malmass Mitra Teknik ko’alia kona-ba servisu tékniku hodi prepara ba estudu viabilidade ba implementasaun projetu konstrusaun Nova Subestasaun 20 MVA iha Seloi
Tanba ne’e, EDTL.EP liuhusi Komisáriu Ezekutivu Servisu Tékniku, Eng. Latino Jerónimo hamutuk ho ekipa, hala’o reuniaun ho Konsultór PT. Malmass Mitra Teknik ko’alia kona-ba servisu tékniku hodi prepara ba estudu viabilidade ne’ebé sei halo iha tempu besik.
Durante enkontru ekipa rua ne’e mós diskute kona-ba dezeñu preliminária no preparasaun dokumentu lisitasaun ba konstrusaun nova subestasaun ho kapasidade 20 MVA iha Seloi, hodi mellora konfiabilidade fornesimentu enerjia elétrika ba munisípiu Aileu no Ermera.
Hafoin reuniaun EDTL.EP ho Konsultór PT. Malmass Mitra Teknik halo ona konkordánsia pontu tékniku sira ne’ebé importante durante implementasaun projetu ba ne’e.
Enkuantu, estudu viabilidade kona-ba projetu konstrusaun nova subestasaun ho kapasidade 20 MVA ne’e sei halo durante fulan neen, hafoin ne’e ekipa sei halo rekomendasaun tékniku no preparasaun dokumentu tenderizasaun projetu refere.
1,545 total views, 3 views today
