ADVERTISEMENT

Sosiedade Sivíl Ezije MAPPF Apoiu Ekipamentu ba Agrikultór Sira

Marcos Fernandes - Dili · Ekonomia
Jornalista : Amelia Soares Babo
Editor : Marcos Fernandes
  • Share
”, Diretór Organizasaun Noun Governamentál (NGO), Luta Hamutuk, José Alves

Dili(timorpost)—Sosiedade Sivíl (SS) ezije Ministériu Agrikultura Pekuáriu Peska no Floresta (MAPPF) apoiu ekipamentu hanesan tratór ba agrikultór sira hadi’a irrigasaun no natar sira ne’ebé aat no toos hodi hasae produsaun iha rai laran.

ADVERTISEMENT
SCROLL FILA BA NOTISIA


“Ita husu Ministériu Agrikultura Pekuáriu Peska no Floresta (MAPPF) tenke prepara fasilidade hodi apoiu tratór ba komunidade sira hodi hadi’a irrigasaun natar no toos sira hodi kuda hare no batar atu hasae ita nia produsaun iha rai laran”, Diretór Organizasaun Noun Governamentál (NGO), Luta Hamutuk,  José Alves, informa ba Timor Post hafoin partisipa enkontru hamutuk ho BCTL iha Akait, Tersa (06/02).

Lee Mós :
Kompañia Osan Laiha Maibe Obriga Governu Lansa Projeitu

Nia hatete, MAPPF nia ekipa tékniku tun iha terrenu hodi identifika area potensiál ne’ebé maka komunidade maioria kuda hare no batar atu nune’e bele apoiu ekipamentu sira ne’e ba.

Hodi nune’e ba futuru bele redús foos importasaun iha rai laran, tanba Timor-Leste ne’e buat hotu depende de’it sasán importasaun hosi rai li’ur, tanba governu seidauk iha polítika no jestaun ne’ebé di’ak hodi motiva no enkoraja komunidade sira atu halo toos no natar.

Lee Mós :
MAPPF Entrega Tratór Unidade Lima ba Manufahi

Aleinde ne’e mós, governu tenke oferese fini batar no hare, fore mungu no koto ba komunidade agrikultura iha territóriu laran tomak atu kuda ba toos no natar sira atu nune’e isin di’ak komunidade kolleita ba fa’an iha merkadu hodi hetan osan sustenta ba nesesidade família nian.

Antes ne’e mós, Diretór Jerál MAPPF, Martinho Laurentino Soares informa, sira nia ekipa daudaun ne’e tun iha terrenu hodi halo levantamentu no identifika irrigasaun ne’ebé hetan estragu barak liu iha munisípiu ne’ebé.

“Ami nia ekipa tékniku tun ona ba iha terrenu hodi identifika munisipiu ne’ebé maka irrigasaun no natar hetan estragu barak liu hodi apoiu ekipamentu tratór ba komunidade ne’ebé presiza hodi halo natar no kuda batar”, nia tenik.

Lee Mós :
Governu Lansa Website SASCAS ba Públiku

Tanba MAPPF nafatin tau osan sosa tratór foun hamutuk unidade 25 no mós halo manutensaun ba tratór unidade 200 resin hodi haruka ba munisípiu sira atu uza ba halo natar no toos.

 933 total views,  3 views today

Oinsa Ita nia Reaksaun iha Notisia Nee?
Like
Love
Haha
Wow
Sad
Angry
You have reacted on “Sosiedade Sivíl Ezije MAPPF Apoiu Ekipamentu ba…” A few seconds ago

Bele hare Video Seluk :
  • Share
ADVERTISEMENT
SCROLL FILA BA NOTISIA

Notisia Timorpost Seluk


Komentariu :
Timorpost.com. Respeita tebes Ita Nia opiniaun. Laran luak no uza etika bainhira hatoo opiniaun. Opiniaun iha Ita Nia responsabilidsde, tuir lei ITE.

Varanda
Kategoria
Video
Buka
Watch
Facebook
error:
Simu Notifikasaun Hosi Timor Post Online! OK No