Dili (timorpost.com)—Sekretáriu Estadu Kooperativa (SECoop) hamutuk ho Movimentu Kamponeza Timor-Leste (MOKATIL), fahe esperiénsia liga ba oinsá hametin no Haburas Movimentu kooperativa hodi promove nu’udar baze ekonomia familiar.
“Ita hasoru malu hodi fahe esperiénsia liga ba kooperativa oinsá mak operasionál movimentu kooperativa husi nasionál to’o munisípiu no mós area rurais sira. Estabelese liña koordenasaun entre SECoop ho MOKATIL kona ba atividade operasionál hodi Alkansa atendimentu ba kooperativa hotu ho alvu ne’ebé iha hodi hakabit finanseiru no rendimentu sustentavel”. Dehan Diretór Nasionál Produsaun, Francisco Xavier ba jornalista sira iha edifísiu CNC, Kinta (04/04/2024).
Nia haktuir, alvu maka oinsá koordenasaun servisu entre SECoop no Movimentu kooperativa sira.
“Ita hotu hatene katak setór kooperativa importante iha ita nia dezenvolvimentu ekonomia iha Timor Leste, tanba ne’e presiza koopera malu atu lori kooperativa di’ak liu”. Nia haktuir.
Mehi SECoop nian maka oinsá grupu kooperativa sira envolvimentu direita ho komunidade sira hodi produz produtu agríkola hanesan matéria prima ba transformasaun da produtu sinais ne’ebé produz husi mikro pekena empreza sira hodi produz muda produtu ne’ebé sai rendimentu ba kooperativa sira hodi kria ekonomia familiar.
“Sistema mak subsisténsia no polítika protesaun ba kamponés sira mak sei problema. Tanba ne’e, presiza kria polítika atu proteje”. Hakotu.
3,876 total views, 3 views today
Bele hare Video Seluk :