Bobonaru (Timor Post.com)—Prezidente Repúblika, José Ramos Horta husu ba governu atu hadi’a komunidade iha Aldeia Mabelis, Suku Leber, Postu Administrativu Bobonaru, durante ne’e ladauk asesu liña eletrisidade, to’o oras ne’e sira uza no sunu ahi oan kami hodi haroman iha tempu kalan.
Maioria xefe família ne’ebé iha suku Leber hamutuk uma-kain 295 kompostu husi aldeia haat, sei sunu kami hodi haroman sira uma iha tempu kalan. Dehan Prezidente Repúblika, José Ramos Horta, iha Suku Laber, (20/08).
Tuir Prezidente Repúblika hatete, alende ne’e komunidade sira mós keixa kona-ba kondisaun estrada ne’ebé aat husi aldeia ba Suku, Postu to’o Munisípiu, ne’ebé difikulta sira atu fa’an sira-nia produtu lokál no asesu ba apoiu ruma bainhira sira presiza.
“Tanba kondisaun ne’ebé aldeia ne’e enfrenta hanesan mós fatin barak iha Timor-laran. Nune’e ita fó hanoin, prioridade ba Nuno-governu, presiza hadi’a liña eletrisidade ba fatin sira ne’ebé seidauk iha eletrisidade, ne’ebé tuir Prezidente Ramos-Horta “hela de’it porsentu 4”.
Tanba ne’e governu presiza fó atensaun ba komunidade, liuliu iha aldeia haat iha Suku Leber, atu atu bele asesu ba liña eletrisidade ho di’ak.
Iha fatin hanesan, Prezidente Repúblika komprometidu sei fó hanoin ba Primeiru Ministru, Kay Rala Xanana Gusmão kona-ba preokupasaun sira hotu ne’ebé komunidade Suku Leber enfrenta.
1,491 total views, 3 views today
Bele hare Video Seluk :