ADVERTISEMENT

Prezidente Horta to’o ona iha Singapura

Mario da Costa - Internasional
Jornalista : Komunikadu Imprensa
  • Share
Prezidente Repúblika, José Ramos Horta, ho delegasaun to'o ona iha Singapura, Tersa (06/12), Imajen Esp.

 

DILI (timorpost.com) – Prezidente Repúblika, José Ramos Horta ho delegasaun to’o iha Aeroportu Internasionál Changi Singapura ho aviaun Singapore Airlines no simu diretamente husi Adjuntu Ministru Negósiu Estranjeiru Singapura, Mohd Osman no Embaixadora Timor-Leste iha Singapura, Maria Viegas Carrascalão.

ADVERTISEMENT
SCROLL FILA BA NOTISIA


Tuir Komunikadu Imprensa Timor Post Online asesu, Kuarta (07/12), katak Delegasaun Xefe Estadu kompostu husi membru parlamentu na’in lima no Ministru Koordenadór Assuntu Ekonómiku, Joaquim Amarál.

Lee Mós :
Lakon Amigu Boot no Kompañeru da Luta Jorge Sampaio, Lú Olo Hakerek Karta ba Marcelo Rebelo

Xefe Estadu hahú viajen iha loron 6 fulan Dezembru ho aviaun komersiál Air Asia no tranzita Bali (Indonézia), hafoin kontinua viajen no to’o iha Singapura iha tuku 22:00 (Oras Singapura) no kontinua ba otél ne’ebé prepara ona.

Ajenda vizita Prezidente Repúblika, hahú ho vizita bá Embaixada Timor-Leste iha Singapura.

Programa ofisiál Estadu nian markadu iha loron 8 fulan Dezembru ho enkontru entre Prezidente Repúblika José Ramos Horta ho nia homólogu husi Singapura Halimh Yacob no Primeiru Ministru, Lee Hsein Loong.

Lee Mós :
KM Aprova Proposta Rezolusaun ba Ratifika Servisu Aéreu ho Austrália

Xefe Estadu mós sei partisipa iha forum emprezariál ne’ebé organiza husi Governu Timor-Leste ho apoiu husi setór Privadu rai rua, halo mós palestra iha institutu Yusof Ishak no sei partisipa mós iha entrevista ho media balun.

Timor-Leste no Singapura estabele relasaun diplomátiku hahú kedas iha Maiu tinan 2002, hafoin Timor-Leste restaura nia independénsia.

Lee Mós :
Prezidente Repúblika Partisipa Forum Ekonómiku Mundiál iha Suisa

Prezidente Repúblika ho delegasaun sei to’o hikas iha Timor-Leste iha loron 11 Dezembru 2022 ho voo diretu husi Singapura mai Timor-Leste.

 

 

 

 

 

 

 

 

 

 1,355 total views,  3 views today

Oinsa Ita nia Reaksaun iha Notisia Nee?
Like
Love
Haha
Wow
Sad
Angry
You have reacted on “Prezidente Horta to’o ona iha Singapura” A few seconds ago

Bele hare Video Seluk :
  • Share
ADVERTISEMENT
SCROLL FILA BA NOTISIA

Notisia Timorpost Seluk


Komentariu :
Timorpost.com. Respeita tebes Ita Nia opiniaun. Laran luak no uza etika bainhira hatoo opiniaun. Opiniaun iha Ita Nia responsabilidsde, tuir lei ITE.

Varanda
Kategoria
Video
Buka
Watch
Facebook
error:
Simu Notifikasaun Hosi Timor Post Online! OK No