Dili (timorpost.com)—Prezidente Republika Jose Ramos Horta, Sabadu (20/04) partesipa iha Kongresu Nasional Partidu Haburas Unidade Nasional Timor Oan (KHUNTO), ne’ebe hala’o ba dal-4 iha Salaun Delta Nova.
PR Horta too iha fatin Kongresu Delta Nova iha tuku 10:00 dader ne’e.
Prezidente Republika simu ho dansa kultura no tara tais. Akompaña direita husi Konsellu Maismu Partidu KHUNTO, Jose Naimori Bukar no nia espeoza Armanda Berta.
Enkuanto Kongresu Nasional Partidu KHUNTO ba tinan ne’e ho tema “KHUNTO Hametin Dame, Hametin Demokrasia no mós Hametin Unidade Nasionál”.
Kongresu Nasional Partidu KHUNTO sei hala’o durante loron rua ne’ebe hahu husi Sabdu ohin no sei remata iha Domingo 21 Abril 2024.
Kongresu tinan ne’e hetan partisipasaun masimu husi kuadru partidu ema nain-50 kada munisipiu inklui Rejiaun Administrativu Espesial Oe-kusi Ambeno (RAEOA).
Iha kongresu partidu KHUNTO ba tinan ne’e mos hetan partisipasaun direita husi partidu politka seluk, entidade igreja, sosiedade sivil inklui membru Governu sira.
1,302 total views, 3 views today
Bele hare Video Seluk :