ADVERTISEMENT

CNRT: Estadu Lakon Osan Millaun-26 USD ba Aviaun ZEEMS, Maibé Reseita Fulan Sia Hatama De’it Millaun 4 USD Presiza Investigasaun

Liduway Xavier - Jeral · Polítika · Raeoa
Jornalista : Cesario Sousa
Editor : Hermenegildo da Costa Tilman
  • Share
Deputada husi bankada Governu (CNRT), Cedelizia Faria dos Santos

DILI (timorpost.com)—Bankada CNRT iha Parlamentu Nasionál preokupa ho Pilotu Aviaun ZEEMS Saláriu Boot-liu Reseita Kada-Fulan, tanba ne’e presiza halo investigasaun ba mandatu anterior.

 “Tuir informasaun kada fulan Governasaun anterior, selu osan ba pilotu 29.000 USD, ba tékniku 23.000 USD, ba ko-pilotu 3.000 USD, inklui despeza manutensaun no mensalmente ho total 150.000 USD, gasta ba aviaun ZEEMS ne’e,” Hateten Deputada Bankada CNRT, Cedelizia Faria dos Santos, liu husi intervensaun iha Plenária Parlamentu Nasionál, Segunda (08/04).

ADVERTISEMENT
SCROLL FILA BA NOTISIA


Nia hatutan, husi orsamentu ne’ebé gasta ba pilotu no tékniku aviaun ZEEMS ne’e kada fulan hatama reseita ba kofre estadu ho montante 6.000 USD, kompara ho gasta kada fulan boot liu.

Lee Mós :
Elimina Soe Bebe, Fortifika Edukasaun Informal

Tuir nia katak, kalkulasaun kada-fulan estadu Timor-Leste lakon osan totál 144.000 USD, no tinan estadu lakon osan ho montante millaun 1.729.000 USD. No estadu lakon ona osan millaun-26 USD ba aviaun ne’e rasik, kompara ho nia reseita durante tinan-sia, foin hatama de’it millaun-4 USD ba kofre Estadu.

Prezidente komisaun C trata asuntu Finansas públika ne’e louva ho Prezidente atuál RAEOA, Rogério Lobato, ho ekipa ne’ebé bele deteta no kaer ona violasaun sira ne’e.

“Problema Aviaun ne’e akontese duni, ita-nia prezidente Autoridade Atuál mak ko’alia no ami husu atu halo investigasaun ka auditoria. Tan saida mak ita-boot sai fali defensór ba autoridade sesante sira halo deklarasaun iha facebook ne’e,” Kestiona Deputada ne’e.

Lee Mós :
Comissão D faz visita de trabalho a CLN em Bebora

Tanba ne’e, Cedelizia husi autoridade kompetente hanesan Cámara das Contas, Ministériu Públiku no Komisaun Anti Korrupsaun atu haree asuntu ne’e.

“Tuir loloos ne’e problema RAEOA la’ós aviaun ZEEMS iha problema barak loos, inklui Ro Haksolok, maibé ba tempu ohin ha’u hakarak fokus liu ba Aviaun ZEEMS haree liu husi reseita no despeza no mós violasaun oioin akontese durante tinan-sia nia laran,” esplika nia.

Lee Mós :
Masatsugu Asakawa Elected ADB President

Nune’e mós, Deputadu Bankada FRETILIN, Antonio Clau, husu autoridade atual atu konfirma komisaun ne’ebé estabelese ona iha Gabinete Primeiru-Ministru ninian.

“Bele haree kontratu kona-ba hola aviaun no kontratu operasaun no manutensaun ba aviaun no komprende lai kontratu ne’e, antes hakilar iha públiku,” hatán Deputadu Antonio.

Nia mós krítika Prezidente Autoridade RAEOA, Rogério Tiago Fatima Lobato, ne’ebé gosta atu julga lideransa seluk iha públiku.

 2,658 total views,  15 views today

Oinsa Ita nia Reaksaun iha Notisia Nee?
Like
Love
Haha
Wow
Sad
Angry
You have reacted on “CNRT: Estadu Lakon Osan Millaun-26 USD ba Aviau…” A few seconds ago

Bele hare Video Seluk :
  • Share
ADVERTISEMENT
SCROLL FILA BA NOTISIA

Notisia Timorpost Seluk


Komentariu :
Timorpost.com. Respeita tebes Ita Nia opiniaun. Laran luak no uza etika bainhira hatoo opiniaun. Opiniaun iha Ita Nia responsabilidsde, tuir lei ITE.

Varanda
Kategoria
Video
Buka
Watch
Facebook
error:
Simu Notifikasaun Hosi Timor Post Online! OK No