DILI—Konsellu Ministru (KM), Kuarta (15/03), aprova aliterasaun ida hodi suspende subsídiu fim do Ano 200 USD ba uma kain sira iha territóriu nasionál.
Ministru Prezidénsia Konsellu Ministru, Fidelis Magalhães, hatete, desizaun ida ne’e bazeia ba projetu Dekretu-Lei, ne’ebé aprezenta husi Vise-Primeira-Ministra no Ministra Solidariedade Sosiál no Inkluzaun, kona-ba aliterasaun daruak ba Dekretu-Lei n. 37/2022, loron 25 fulan-Maiu, kona-ba subsídiu Fim do ano ba uma kain.
projetu Dekretu-Lei ne’ebé aprova iha Soru mutu Konsellu Ministru iha loron 1 fulan-Fevereiru tinan 2023, nune’e define pagamentu ba subsídiu fim do ano nian sei kontinua fila fali iha fulan-Outubru tinan 2023.
“Pagamentu ba subsídiu ne’e sei suspende durante kampaña no eleisaun parlamentár ne’ebé sei realiza iha fulan Abríl no Maiu tinan ne’e, no sei kontinua fali iha fulan Outubru 2023,” nia hatete iha Palasiu Governu.
Nia dehan, bainhira oitavu governu nia mandatu remata ona, tanba dekretu lei 37/2022, loron 25 fulan-Maiu, kona-ba subsídiu Fim do ano ba uma kain hatuur ona nune’e governu se de’it maka mai iha nafatin responsabilidade atu implementa dekretu lei ne’e.
Tanba subsídiu $ 200 dollar ne’e uma kain balu hetan no balu sidauk hetan, tanba ne’e governu suspende iha tempu kampaña no eleisaun hafoin ida ne’e maka sei kontinua fali.
Nune’e mós husi proposta husi Vise-Primeira-Ministra no Ministra Solidariedade Sosiál no Inkluzaun hetan ona aprovasaun alterasaun ba projetu Dekretu-Lei kona-ba apoiu pontuál sira ba vulneravel sira.
Relativa ho projetu Dekretu-Lei ne’ebé aprova ona iha Soru mutu Konsellu Ministru iha loron 25 fulan-Janeiru tinan 2023, nune’e define ona diploma ne’e tama iha vigor iha loron 1 fulan-Juñu tinan 2023.
1,976 total views, 3 views today
Bele hare Video Seluk :
Subscribe to Timorpost
