DILI (timorpost.com)—Eis Membru Parlamentu Nasionál husi Partidu Libertasaun Popular, (PLP) entrega hikas karreta ba iha parlamentu Nasionál (PN) tanba mandatu V lejizlatura remata ona iha 22-06-2023.
Objetivu husi, entrega fila fali karreta refere, atu nune’e lejizlatura foun bele uza fali, karreta ne’e rasik ba servisu interese povu nian iha uma fukun parlamentu Nasionál.
Segundu Vise sekretáriu Parlamentu Nasionál bankada (PLP), Domingas dos Santos hatete, riku soin estadu nian, se baihira mandatu remata ona, tenke ser entrega fila-fali.
“Ami remata ona ami nia mandatu iha tinan ida ne’e ho prezensa hanesan presidente bankada Partidu, Libertasaun, Popular, ninian, ohin ami hakarak, entrega ofisialmente ekipamentu sira hanesan, karreta, no laptop, ne’ebé durante ne’e fasilita ona ami, hodi bele servisu iha V lejizlatura nian”. Nia afirma, Domingas Dos Santos ba jornalista Sira iha (PN) Quinta Feira-(22/06).
Nia haktuir, Lia menon ba sesta VI lisensiatura atu hadi’a buat ne’ebé Mak naksalak durante mandatu Kintu Lejizlatura nian.
“Buat hirak ne’ebé durante ne’e V lejizlatura halo, no implementa, hela seidauk di’ak, espera katak, sei kompletu liu ba iha VI lejizlatura nia Ukun. Esperansa boot katak iha sesta VI lejizlatura sei di’ak liu tan, no iha dezenvolvimentu nasionál di’ak, liu iha Parlamentu Nasionál”, nia hateten.
Nia dehan, durante mandatu V lejizlatura nian buat barak mak seidauk di’ak no fiar katak, VI lejizlatura sei bele implementa di’ak liu tan, atu nune’e bele lori Povu no nasaun ba moris di’ak.
“Ami (PLP) Partidu Libertasaun Popular, mós nafatin koopera ba iha parlamentu Nasionál (PN) tanba ami iha kadeira ha’at,(4) ne’ebé eziste iha eleisaun parlamentár, tanba ne’e ami iha esperansa katak, VI lejizlatura sei ukun ho di’ak ba oin.” Nia hakotu. (PJ18).
2,127 total views, 3 views today
Bele hare Video Seluk :
Subscribe to Timorpost
