Dili (timorpost.com)—Ministériu Koordenadór Asuntu Ekonómiku (MKAE), Joaquim Amaral, hatete, progresu atribuisaun programa Sesta Bázika (SB) faze daruak agora atinje ona porsentu 71.
“Ha’u hanoin programa distribuisaun sesta bázika faze daruak nian, to’o agora nia progresu atinje ona porsentu 71 , ne’ebé tenke konklui tuir tempu ne’ebé mak ita planeia ona”, dehan Joaquim Amaral, ba jornalista sira, iha salaun reuniaun MNEK, Praia dos Coqueiro, Kinta (02/03).
Nia hanoin, ministériu implementadór sira sei aproveita tempu ne’ebé mak iha hodi aselera lalais distribuisaun Sesta Bázika faze daruak nian ne’e.
Ho oportunidade ida ne’e hakarak hatete, prosesu ne’ebé mak halo ne’e tenke la’o tuir dalan ne’ebé mak iha no balun ne’ebé mak lakontente karik dalan ba halo deklamasaun iha distribuisaun.
“Tanba ne’e ha’u husu nafatin ba autoridade sira iha suku no aldeia koopera nafatin, atu nune’e naran ne’ebé mak atu simu ne’e labele dupla hodi bele hamenus reklamasaun”, nia husu.
Maibé iha balun naran laiha ne’e, sira bele koopera ho autoridade komunitariu sira bele verifika hodi nune’e bele lista reklamasaun sira ne’e bele rezolve tuir kalendáriu ne’ebé mak iha.
Aleinde ne’e, Sekretáriu Estadu Kooperativa (SEKoop), Elizario Ferreira, aumenta, Sesta Bázika ne’e programa hosi tinan 2020 nian, estensaun ba 2021 no kontinuasaun iha 2022, ne’ebé agora daudauk parte SEKoop responsabiliza ba munisípiu ualu no mós RAEOA.
Nia esplika, ma munisípiu ualu ne’ebé mak SEKoop responsabiliza hanesan, munisípiu Aileu, Ainaru, Baukau, Covalima, Lautem, Manatutu, Manufahi, Vikeke ho tan RAEOA hamutuk sia, ida ne’e momentu ne’ebá sira prosesu distribuisaun fahe ba area 79, hosi ne’e kompañia sira submete dokumentu hamutuk 569, maibé normalmente 79 mak tenke liu.
Nune’e hosi 79 ne’e, kompañia 52 mak konklui distribuisaun no hetan ona pagamentu iha Dezembru.
Iha kompañia 27 mak agora daudauk hala’o hela prosesu distribuisaun, mais entermu finansiamentu aseguradu ba sira nia traballu ne’e.
1,425 total views, 3 views today
Bele hare Video Seluk :
Subscribe to Timorpost
