ADVERTISEMENT

Tane Konsumidor Identifka Foos ho Marka Tali Merah Aat

Timor Post - Dili · Ekonomia
  • Share
Foos tali merah ne'ebé aat ona, sira hamoos hodi peeking fali ba karon foun. (Foto Google)

Jornalista Césario Sousa/Editora Suzana Cardoso

DILI (Timor Post) –Foos ho marka Tali Merah ne’ebé distribui ona ba munisipiu tolu, tama illegal mai Timor-Leste (TL), identifika husi Asosiasaun Tane Konsumidor aat hotu.

ADVERTISEMENT
SCROLL FILA BA NOTISIA


“Dadus ne’ebé ami asesu husi loja iha Dili laran, sira distribui ona ba minisipiu Baukau, Likisa no Ermera. Iha lorokraik no kalan ne’e, fuzu boboot mak transporta sai husi Kapitál Dili.”

Foos Tali Merah ne’ebé hetan kontaminasaun husi tasi been preparadu ona atu distribui. (Foto Google)

Lia fuan ne’e informa husi Koordenador Advokasia Asosiasaun Tane Konsumidor, Juvencio Amaral ba Timor Post iha knar fatin, Villa Verde, Sesta, (13/08/2021).

Lee Mós :
AIFAESA Identifika Loja Balun Fa’an Sasán Ilegál iha RAEOA

Nia esplika liutan, Tane Konsumidor deteta foos ho marka tali merah besik kontainer lima tama illegal mai Timor-Leste (TL) transporta husi ró ne’ebé kontamina ona ho tasi been hodi fos hirak ne’e sai fuhuk no aat hotu.

Foos Tali Merah hafoin hamoos hatama ba karon foun ho koor oioin. (Foto Google)

Dehan Juvencio, kontainer lima ne’e tama portu Dili iha hahú tinan ne’e. Foin fulan Agostu ne’e mak loke segel hodi distribui ba loja sira. Tanba ne’e husu ba autoridade sira atu toma atensaun hodi kontrola ba distribuisaun foos ne’e.

“Foos ne’e kontaminadu ona husi tasi been. Tanba sira transporta via maritima uza ró iha kontainer lima. Sira hala’o atividade ilegal ida ne’e hetan orientasaun husi jerente sira hodi kontrata fali ita nia inan feto sira ba hamoos hodi peeking ulang fali ba karon foun,” esplika nia.

Lee Mós :
TANE Konsumidór Apresia Nonu Governu Hatún Taxa husi 5% ba 2,5%
Foos Tali Merah hirak ne’ebé aat. (Foto Google)

Juvencio sente preokupadu. Tanba, atetidude hirak ne’e bele fó impatu negativu ba ema nia vida no saúde. Nune’e nia akonsela ba konsumidor sira provizoriamente labele konsumu lai foos ho marka tali merah.

“Tane konsumidor apela no akonsela hodi bolu nafatin atensaun konsumidor sira atu hola foos ida ne’e tenki kuidadu. Dala ruma foos aat ona ne’e sir abele fo ho folin ne’ebé baratu. Konsumidor sira mak tenki kuidadu,” tenik Juvencio.

Lee Mós :
Pesoál Saneamentu Konsideradu Servisu La Profisionál
Exemplu foos tali merah hirak ne’ebé hetan kontaminasaun ho tasi been. (Foto Google)
Foos Tali Merah hirak ne’ebé hetan kontaminasaun husi tasi been, ne’ebé seidauk hamoos. (Foto Google)

Maske nune’e katak Juvencio, kazu ne’e iha ona autoridade regulador. Hanesan Autoridade inspesaun fiskalizasaun atividade ekonomika sanitaria no alimentar (AIFAESA) hodi kontinua prosesu tuir lei. Tenki sai konsumedór konsiente no kritíku hodi tane aas saúde no vida ita ida-idak.(Lee notísia seluk iha Jornál Timor Post)

 1,904 total views,  3 views today

Oinsa Ita nia Reaksaun iha Notisia Nee?
Like
Love
Haha
Wow
Sad
Angry
You have reacted on “Tane Konsumidor Identifka Foos ho Marka Tali Me…” A few seconds ago

Bele hare Video Seluk :
  • Share
ADVERTISEMENT
SCROLL FILA BA NOTISIA

Notisia Timorpost Seluk


Komentariu :
Timorpost.com. Respeita tebes Ita Nia opiniaun. Laran luak no uza etika bainhira hatoo opiniaun. Opiniaun iha Ita Nia responsabilidsde, tuir lei ITE.

Varanda
Kategoria
Video
Buka
Watch
Facebook
error:
Simu Notifikasaun Hosi Timor Post Online! OK No