DILI (timorpost.com) — Governu liuhosi Ministériu Finansas (MF), deside ona sei aprezenta proposta projetu lei Orsamentu Jerál Estadu (OJE) 2023 ba Parlamentu Nasionál (PN) iha fulan Outubru.
Diretór Jerál Orsamentu no Planeamentu Ministériu Finansas (OPMF), José Alexandre, hatete iha loron 01 fulan Outubru tinan ne’e sei aprezenta Projetu Proposta Lei kona-ba Orsamentu Jerál Estadu (OJE) 2023, ho Montante Biliaun 3 USD ba Parlamentu Nasionál (PN).
“Ohin mai iha ne’e la’ós ko’alia kona-ba orsamentu 2023 nian, maibé ita boot sira (Jornalista) husu ona, ne’ebé atu informa Konsellu Ministru aprova ona proposta projetu Lei Orsamentu 2023”, nia hateten hafoin enkontru ho Prezidente Repúblika, José Manuel Ramos Horta, iha Palásiu Prezidensiál, Bairru-Pité, Sesta (16/09).
Nia dehan, Projetu Proposta Lei ba OJE 2023, ho Montante Biliaun 3 USD ne’e, Konsellu Ministru (KM), aprova ona iha Palásiu Governu, iha loron Kuarta (14/09).
Ikus nia dehan, tuir prazu ne’ebé estabelesidu iha lei enkuadramentu Orsamentu Estadu foun ne’e, ba kalendáriu sei aprezenta ba Parlamentu Nasionál iha loron 01 fulan Outubru tinan ne’e.
1,982 total views, 3 views today
