DILI (timorpost.com) – Ministru Petróleu no Minerais, Victor da Conceição, hatete ohin Autoridade Nasionál Petróleu no Minerais hamutuk ho Timor Gap arranka ba Austrália hodi kontinua prosesu atu dada kadoras mai Timor-Leste (TL).
“Ohin Primeiru Ministru bolu ha’u mai atu atualiza setór petróleu no minerais no prosesu greater sunrise la’o oinsá ona, no nomeasaun ita-nia omólogu Austrália reprezentante kona-ba tratadu fronteira marítima, tanba prosesu greater sunrise nia kontinua la’o avansadu, katak orsida lokraik ita-nia delegasaun negosiadór sira Arranka ba Austrália,” nia hateten iha Faról segunda (17/10).
Nia dehan, delegasaun negosiadór atu arranka ba Austrália ne’e kompostu husi, ANPM hoTimor Gap, hodi kontinua halo negosiasaun kona-ba Greater Sunrise ninian.
“Tanba dokomentu sira ne’ebé agora daudaun sirkula hela iha Governu Timor-Leste no Austrália ho mós konsorsiu Greater Sunrise nian tama ona ba faze konkluzaun,” hateten nia.
Tanba dokomentu ne’ebé Governu rua hatun ba konsorsiu sira atu bele haree reazen ka resposta ruma husi parte joinverser sira koloka atu ba hodi atualiza fali situasaun sira ne’e.
“Tuir tarjetu iha fim do ano dokomentu sira ne’e tenke konkluidu atu halo asinatura, maibé buat ida negosiasaun ne’e akomoda interese hotu, konkorda mak foin assina,” nia subliña.
Maibé, hein depois Governu Austrália nomeia nia reprezentante bele aselera liután, tanba Timor-Leste nia parte tuir tratadu Tasi Timor kona-ba estrutura Greater Sunrise ne’e estruturadu no la’o ho di’ak, agora husi parte Austrália nian mak iha nesesidade atu nomeia sira-nia ema atu ba reforma tan pozisaun Governu Austrália nian iha asuntu negosiasaun Greater Sunrise nian.
“Ida ne’e fó indikasaun di’ak tanba durante ne’e ita-nia polítika nivél Nasionál ezije tebes Austrália no operadór atu bele aselera prosesu Greater Sunrise hodi konklui atu bele tama ona ba faze dezenvolvimentu,” Victor realsa.
Pozisaun Timor-Leste mak iha kondisaun komesa husi estudu tékniku no komersiál hatudu Timor-Leste iha kondisaun atu bele dada kadoras mai iha Beasu.
2,406 total views, 3 views today
Bele hare Video Seluk :