DILI (timorpost.com) — Iha loron 26 Juñu 2023, ezekusaun reál ba Orsamentu Jerál Estadu (OJE) 2023 iha tudu Governu esklui kompromisu no obrigasaun sira, to’o iha Sábadu, 24 Juñu, en-termu nominál atinje ona millaun 552 USD husi orsamentu aprovadu biliaun 2,16 USD.
Tuir komunikadu ne’ebé Timor Post asesu katak, Segunda (26/06), ezekusaun reál OJE 2023 ba Administrasaun Sentrál en-termu nominál atinje ona millaun 529 USD husi totál orsamentu alokadu biliaun 1,8 USD. Enkuantu Autoridade RAEOA-ZEESM ezekuta ona millaun 22,6 USD husi orsamentu alokadu millaun 120 USD.
Ezekusaun OJE 2023 iha Administrasaun Sentrál aas liu mak iha Liña Ministeriais ne’ebé ezekuta ona millaun 398 USD, husi orsamentu alokadu biliaun 1,2 USD. Tuir kedan ho Ajénsia Autónoma ho nia ezekusaun atinje ona millaun 72,9 USD husi orsamentu alokadu millaun 218,3 USD. Autoridade Munisipál ezekuta ona millaun 38,8 USD husi orsamentu alokadu millaun 81,3 USD.
Alende kona-ba Fundu Infraestrutura (FI) ezekuta ona millaun 12,4 USD husi orsamentu alokadu millaun 202,7 USD. Fundu Dezenvolvimentu Kapitál Umanu (FDCH), ezekuta ona millaun 4,7 USD husi orsamentu alokadu millaun 17,8 USD. Enkuantu Fundu Covid-19 ezekuta ona millaun 2,2 USD husi orsamentu alokadu millaun 18 USD.
1,029 total views, 3 views today
Bele hare Video Seluk :
Subscribe to Timorpost
