(Reportajen Mariano Abi / Editor Mateus da Cruz)
Dili (Timor Post) – HEINEKEN Timor Leste introdus embalajem foun ba ABC Extra Stout ho visual ida ne’ebé mais modernu no premium ne’ebé hahu fa’an iha merkadu iha loron 4 fulan Marsu 2022.
ABC Extra Stout sai popular liu iha Timor Leste no konsumidor Timor Leste oan sira gosta tebes.
“Hodi iha relevansia, ami kontinua rona, ami nia konsumidor sira, no husi ne’e, ami aprende katak, tempu to’o ona atu ami introdús ami nia embalajem foun, ho kor Metan no osan-mean ne’ebé mak moderna no premium liu, maibe mantein kualidade di’ak ne’ebé ami nia konsumidor sira bele enjoy,” Jerente ba Marka Heineken Timor Leste, Tiago Graca dehan ba jornalista sira iha Timor Plaza, CBD5, sesta (04/03).
Jerente ne’e dehan, HEINEKEN nu’udar cervejaria mais internasionál iha mundu, Nia mak desenvolvedór no komersiante dahuluk ba serveja premium no marka Cider, Lidera husi marka Heineken, Grupu ne’e iha portofoliu liu husi 348 internasionál, rejionál, lokál no spesiálidade ba serveja no Ciders.
“Ami iha komitmentu ba inovasaun, investimentu longu prazu, disiplina iha ezekusaun komersializasaun no foka liu ba jestaun kustu, Liu husi Brewing a Better World, sustentabilidade tuur metin iha negosiu no fó valór ba parte hotu-hotu, HEINEKEN iha pegada jeográfika ida ne’ebé akilibru ho pozisaun lideransa iha merkadu dezenvolvidu sira no mos iha dezenvilmentu, Ami emprega ona empregadu hamutuk 85,000 liu no funsiona fabrika hodi produs serveja, malteries, cider sentrál no fasilidade produsaun iha nasaun sira ne’ebé liu 70,” nia dehan.
ABC Extra Stout halo parte iha potofolio Heineken Timor-Leste, dezde harii empreza ne’e iha tinan 2016, dezempeña papel importante ida hodi fornese esperiénsia Naval ba konsumidor sira ne’ebé buka serveja metan no onestu.
ABC te’in dahuluk iha Singapura iha tinan 1931 iha Archipelago Brewery Co, ABC Extra Stout maka Stout original Singapura husi eransa Alemaña, nia iha sabor malt no aromatiku ne’ebé diferente no fó moruk, te’in ho padraun Internasional husi maluk Timor-oan, uza roated malt, hops no fermentu kualidade, hodi fó ba ita boot sira gostu auténtiku lolos.
Jerente ne’e espera katak, demanda ba ABC Extra Stout sei kontinua buras nafatin tamba produs konsistentemente serveja ho kualidade ne’ebé ho sabor esepsional no ninia parezentasaun premium modernu, serveja produs ho ingrediente kualidade no sustentavel husi produtor ne’ebé hetan fiar no amigavel ba ambiente.
Heineken Timor-Leste S.A. nuudar subsidiariu ida husi HEINEKEN Iha Timor-Leste, mmpreza ne’e asina ona akordu Espesiál Investmentu ho Governu iha fulan Janeiru tinan 2015 no hahú ninia produsaun lokál iha tinan 2017.
“Empreza ne’e prodús no fa’an produtu serveja internasionál lubukida, hanesan Heineken serveja premium Numeru 1 iha mundu, Bintang, Tiger, Sagres, ABC no Liurai. Sira nuudar investor boot liu iha setór manufatura ho padraun Internasionál ne’ebé estabelese ona iha Timor-Leste,” nia hakotu. (Lee notisia seluk iha jornal Timor Post/asesu you tube Timor Post)
1,291 total views, 3 views today
Bele hare Video Seluk :