Reportajen Jornalista Jerimias Soares/Editora Isabel Ermelita
DILI—Ministru Obras Publika (MOP) ho ekipa tékniku husi Diresaun Jerál Abitasaun Urbanizmu aprezenta relatóriu pre-limináriu kona-ba estudu polu dezenvolvimentu iha munisípiu Baukau no Bobonaru-Batugade ba Primeiru Ministru Taur Matan Ruak.
Ministru Salvador Soares Pires, hateten estudu polu ne’e, hanesan dokumentu ne’ebé fornese route map ida ba governu atu halo investimentu iha zona ka rejiaun sira ne’ebé mak dezigna ona, hanesan Baukau ho Batugadé, nune’e bele lori dezenvolvimentu besik liu ba povu, alende polítika desentralizasaun ne’ebé mak governu esforsu hela atu realiza.
“Ida ne’e hanesan zona eskluzivu dezenvolvimentu ne’ebé ita hakarak halo, kuandu estudu nia rezultadu bele hatudu ona route map ba investimentu, klaru ke husi estudu ida ne’e sei iha rekomendasaun, hanesan zona indústria no komponente sira ne’ebé mak ita tenke investe,” Salvador informa ba jornalista sira, iha Palasiu Governu, segunda (14/06) lokraik.
Portantu, estudu viabilidade ida ne’e, konsultór sira tenke konsulta ho parte relevante sira, hanesan Ministériu Finansas, Ministeriu Agrikultura no Peska (MAP), Ministeriu Koodenador Asuntu Ekonomia (MKAE), Ministeriu Turizmu, Komersiu no Industria (MTKI), Ministeriu Planeamentu no Ordenamentu (MPO), no ministériu sira seluk.
“Ami foin mak inisia relatóriu preliminár, ne’ebé nia final ita sei konklui iha Novembru 2021, espera katak dokumentu ida ne’e bele gia ita ba tipu investimentu indústria ne’ebé mak ita tenke halo polu dezenvolvimentu area rua,” Salvador esperansa.(Lee Notisia Seluk Iha Jornal Timor Post)
870 total views, 3 views today
Bele hare Video Seluk :
Subscribe to Timorpost
