DILI—Akadémiku Universidade Dili (UNDIL), Hugo Lourenço, observa katak, durante mandatu oitavu governu konstitusionál tinan Lima, laiha mega projetu ida maka governu implementa iha rai laran.
Nia hatete, durante tinan lima nia laran governu ida ne’e halo de’it maka programa re-kooperasaun ekonomia liu hosi atividade loke bola gulling iha suku laran.
Ida seluk mak governu halo programa sesta bázika, sesta bázika ne’ebé mak nakonu ho tendénsia korrupsaun, ida fali mak aprovasaun orsamentu boot mega projetu laiha.
“Laiha mega projetu ida mak sira atu halo iha mandatu tinan lima ne’e, uma naroman ba povu ne’e la’ós programa foun ne’e programa antigu”, nia hatete ba timor post iha knar fatin, kampus UNDIL, Maskarinas, Kinta (13/04).
Tuir Hugo, uma naroman ba povu ne’e tama ona iha planu estratéjiku dezenvolvimentu nasionál.
“Programa ne’e antes ona soke troka de’it ema ne’ebé mak ba kaer ukun, maibé sira implementa di’ak, maibé laiha mega projetu ida mak oitavu governu halo iha nia mandatu tinan Lima ne’e,” hatutan.
Akadémiku ne’e observa mós katak, durante mandatu tinan lima ne’e governu nia dezempeñu ne’e laiha, dezempeñu di’ak mak loke bola gulling iha suku-suku, re kooperasaun ekonomia no sesta bázika.
1,242 total views, 3 views today
Bele hare Video Seluk :
Subscribe to Timorpost
