DILI (timorpost.com) – Prezidente Autoridade Rejiaun Administrativa Espesiál Oekusi Ambeno (RAEOA), Arsénio Bano, hatete tinan 2022 ne’e Aviaun ZEESM, hatama ona reseita totál rihun 300 USD ba kofre Estadu.
Nia hatete, sira prepara ona timoroan Feto ida no Mane ida ba eskola ona iha Canada, durante fulan neen, kuandu hotu sira mai bele lori rasik ona Aviaun ZEESM.
“Ha’u mós informa ba Primeiru Ministru, katak ita hahú halo ona preparativu ba timoroan sira atu lori rasik ita-nia Aviaun ZEESM, menina pilotu ida ita haruka ba tiha ona Canada, mane ida prepara tan ona atu tuir tan ba, fulan neen kuandu kursu remata sira sai ona pilotu ba Aviaun ZEESM,” nia hateten iha Faról, Segunda (12/09).
Nia dehan, karik sira remata sira-nia kursu ka eskola fulan neen nia laran iha tinan ne’e ka tinan oin sira fila, sira na’in rua bele sai ona pilla Aviaun ZEESM.
“Ha’u hato’o ba Primeiru Ministru, katak Aviaun ne’e mós halo ona reseita tinan ida ne’e hahú husi fulan Janeiru to’o Agostu ne’e, ita halo ona $300 mil dólar amerikanu, no ita mós halo reseita husi parte seluk tan,” hateten nia.
Nia subliña, fulan Janeiru to’o Agostu reseita hamutuk rihun 300 ne’e, husi Aeroportu Rota de Sandalo no Aviaun ZEESM, tanba ne’e tinan ne’e remata bele hatama barak liután.
Tanba ne’e Bano dehan, agora Aviaun refere ema Estranjeiru mak sai Piloto, nune’e sira halo ona preparasaun timoroan na’in-rua atu ba estuda iha Canada, hodi bele mai sai pilotu ba Aviaun ne’e.
2,683 total views, 3 views today
Bele hare Video Seluk :
Subscribe to Timorpost
