ADVERTISEMENT

Ulmera Sei Sai Parke Industriál Dahuluk iha Timor-Leste

Mario da Costa - Ekonomia · Liquiçá
Jornalista : Mariano Abi
Editor : Mario da Costa
  • Share

Dili (Timor Post) – Vise Ministru Turizmu Komérsiu no Indústria (V-MTKI), Domingos Lopes Antunes, hatete Suku Ulmera, Postu Administrativu Bazartete, Munisípiu Likisá sei sai primeiru Parke Industriál iha Timor-Leste.

Nia hatete, programa primeiru mak MTKI iha programa boot ida ba Dezenvolvimentu Indústria Inkluzivu, husi konseitu ne’e, atu implementa projetu Parke Industriál ne’ebé la’o hela iha en-kursu.

ADVERTISEMENT
SCROLL FILA BA NOTISIA


“Parke Industriál ne’e, Governu mak hanoin kria hodi atrai investidór Estranjeiru, investidór Nasionál sira atu investe iha laran”, nia hateten hafoin partisipa iha Sekretáriu Estadu Komunikasaun Sosiál (SEKomS) Nia programa “Meet the Press” ne’ebé realiza iha Palásiu Governu, foin lalais.

Nia dehan, objetivu Parke Industriál ne’e bele atrai sira tanba iha razaun balu ne’ebé Timor-Leste situada iha ASEAN, no mós iha Unit Seling Point badak ne’ebé besik Australia, no besik mós merkadu boot Indonézia no ASEAN.

Lee Mós :
Kuidadu, Website Indonesia Lansa Hoax Promove Iha Komísiu Eleitorál

Maibé, nia esplika, Park Industrial ne’ebé Timor-Leste atu halo diferente, hodi bele atrai uluk sira mai iha ne’e.

“Ami hahú halo ona estudu viabilidade, besik hotu ona, husi ida ne’e hili fatin rua, ida maka Batuvou iha Maubara no Ulmera besik tibar Likisá, la to’o Kilo Metru 1 husi Portu Tibar.

“Estudu viabilidade ne’e, rekomenda ona mak Ulmera, atu sai ita-nia primeiru Parke Industriál iha Timor-Leste,” nia hateten.

Nia esplika, Parke Industriál ne’e hanesan fatin ida atu halo prosesamentu komunidade Industriál sira, ne’ebé okupa fatin ida ne’ebé viavel ba iha atividade Industriál hotu-hotu, entaun bele jere husi setór privadu, ou bele Governu inisia kedan ka bele halo jestaun ba ida ne’e.

Lee Mós :
HIV/SIDA Nu’udar Problema Nasionál La’ós Sosiál

Iha progresu lubuk ne’ebé ema hotu-hotu akompañia karik, pasa ona dekretu Lei rua ba Parke Industriál, iha semana kotuk ita boot sira asesu ikus liu ne’e ba iha dekretu Lei Jestór ba Parke Industriál, mais antes ne’e pasa ona Rejime Jerál Parke Industriál ne’ebé rekursu hela atu implementa.

“Tuir ami-nia roteiru implementasaun Parke Industriál ne’e, iha fulan Novembru bele Lansa ona iha Ulmera, bainhira estuda viabilidade ne’e hotu sei ba Diteling Enjinering Study, hotu mak halo kedan lansamentu. Ha’u hanoin Governu sei la’o ho 50 Hektares iha Ulmera, tanba ita-nia ekonomia ki’ik, ita labele adopta ba boot,” nia afirma.

Enkuantu Vise Ministru dehan, nia hanoin no fiar katak, ho 50 Hektares ne’e MTKI bele lansa iha tinan ida ne’e, ho projesaun ida, tinan oin ne’e bele lori investidór sira pelu menus liu 10.

Lee Mós :
AJAR, Hamenus Juventude ba Li’ur, Governu Presiza Hadi’a Sistema Polítika

“Ita ba ho Lei sira ne’ebé fó konfiansa ba empregu sira, atu nune’e sira mai mós la bele ragu-ragu tan, tanba Rai ne’e, Rai estadu entaun karik sira mai, sira labele buka tan Rai, sira ba investe de’it iha ne’ebá, ho presu ne’ebé kompetativu,” nia dehan.

Ikus Nia hanoin kona-ba Rai iha Ulmera, bazea ba sira-nia dadus Terras Propriedade ba Parke Industriál ne’e, ne’ebé despaxu husi Primeiru Ministru rasik.

 4,558 total views,  6 views today

Oinsa Ita nia Reaksaun iha Notisia Nee?
Like
Love
Haha
Wow
Sad
Angry
You have reacted on “Ulmera Sei Sai Parke Industriál Dahuluk iha Tim…” A few seconds ago

Bele hare Video Seluk :
  • Share
ADVERTISEMENT
SCROLL FILA BA NOTISIA

Notisia Timorpost Seluk


Komentariu :
Timorpost.com. Respeita tebes Ita Nia opiniaun. Laran luak no uza etika bainhira hatoo opiniaun. Opiniaun iha Ita Nia responsabilidsde, tuir lei ITE.

Varanda
Kategoria
Video
Buka
Watch
Facebook
error:
Simu Notifikasaun Hosi Timor Post Online! OK No