Dili (timorpost.com) – Atu garante seguransa sosiál ba serbisu nain Timoroan sira, bainhira tama iha idade reforma, Oxfam iha Timor-Leste desiminasaun informasaun hodi hasae trabalhador sira-nia koiñesementu ba direitu no dever inklui prosesu sistema seguransa sosiál.
“Objetivu desiminasaun informasaun ne’e ita haree liubá iha direitu no dever ba serbisu nain sira inklui prosesu no sistema seguransa sosiál liuliu ba serbisu nain Timoroan sira, bainhira tama iha idade reforma”, informasaun ne’e hato’o husi Country Director, OXFAM, Fausto Nino Belo Ximenes, ba jornalista iha Salaun City 8, Kuarta (09/11).
Nia dehan, maski sira organizasaun internasionál maibé serbisu iha país ida ne’e, entaun presiza atualiza informasaun sira ne’e ba ekipa no parseiru sira ne’ebé serbisu hamutuk.
Nino aprofunda, OXFAM fahe informasaun hirak ne’e, atu nune’e trabalhador sira bele kumpre lei sira ne’ebé vigora iha Timor, relasiona ho rekursu umanu ne’ebé ko’alia kona-ba ekipa nia direitu no dever, entaun bazeia ba informasaun sira ne’ebé hetan husi orador sira hodi atualiza mós polítika iha organizasaun nia laran.
“Ha’u espera liuhusi desiminasaun informasaun ne’e bele fó oportunidade ba organizasaun hotu-hotu ne’ebé serbisu hamutuk ho OXFAM hodi bele husu pergunta direita ba ita-nia orador sira, ligadu ho direitu no dever ba prosesu sistema seguransa sosiál, entaun ida ne’e hanesan rejultadu ikus mai ami nia ekipa rasik no parseiru sira bele hatene kona-ba lei no prosesu sira kona-ba Direitu no dever”, nia afirma.
Iha sorin seluk Diretora ezekutivu Institutu Nasionál Seguransa Sosiál, Aida Maria Soares Mota, relata lei kona-ba rejime kontribusaun iha tinan 2016, ema barak seidauk intende, entaun liuhusi oportunidade ne’e nia hakarak ko’alia ba trabalhador sira ligadu ba direitu no deveres trabalhadór sira nian.
“Obrigasaun ba entidade empregadór sira atu bele inskreve trabalhadór sira iha seguransa sosiál, atu nune’e bainhira trabalhadór sira tama iha idade reforma kualkér risku sosiais ruma labele afeta ba ita-nia trabalhadór sira, monu ba situasaun vulnerável, tanba liuhusi segunsa sosiál bele subtitui sira-nia rendimentu no iha poder ba kompra”, nia hakotu.
2,591 total views, 3 views today
Bele hare Video Seluk :
Subscribe to Timorpost
