Dili (Timorpost.com)—Veteranu Cornelio da Conceição Gama (kodigu-L7), husu Ministra Edukasaun, Dulce de Jesus atu labele lentu rezolve problema profesores kontratadu sira nian tanba bele impaktu ba politika governu konstituisional IX nian.
“Uluk ita liberta povu ida ne’e, mai iha tinan ida ne’e problema barak ita hasoru liu-liu ba direitu profesores kontratadu sira nian too ohin loron seidauk iha solusaun”.Haktuir L7 ba jornalista sira iha nia rezidensia, Fatuhada, Segunda (22/04/2024).
Veteranu ne’e haktuir, uluk hala’o funu iha ai-laran iha vizaun ida katak mate ka moris tenke ukun aan, maibe mate ka moris ne’e atu ita nia oan sira sai matenek ka sai fali beik, tanba ne’e ami veteranus hakarak professores tenke kontinua hala’o sira nia servisu ka hanorin iha eskola sira.
“Ohin loron problema profesores kontratadu sira nafatin sai obstakulu iha governu ida ne’e, ita la hatene osan mak la iha ou hanusa. Bainhira manorin kontratadu sira la ezerse sira nia direitu maka estudante barak sei abandona sira nia prosesu apredijazem. Ne’e problema”. Nia haktuir.
Karik Ministra Edukasaun, Dulce de Jesus la iha kapasidade entaun truka ema seluk ne’ebe iha kapasidade hodi lidera nasaun ne’e ba oin.
“Nasaun ne’e presiza ema matenek. Karik ema la iha kapasidade mak kaer la iha mudansa pou solusaun ba resolve problema truka seluk, tanba Timor-Leste ne’e ema matenek barak ona laos hanesan iha momentu sei funu”. Nia rekomenda.
Nia mos husu ME atu la bele estraga Nuno governo no PM Xanana nia naran iha, ME tenke prepara orsamentu ba professores sira ne’e atu bele kontinua sira nia servisu fila-fali, ME tenke apresia ho professores sira ne’ebe hanorin ona durante tinan barak ona.
1,869 total views, 3 views today
Bele hare Video Seluk :