DILI (Timor Post) – Primeiru Ministru (PM), Taur Matan Ruak, sente triste, lamenta no arrepende haree violénsia hosi grupu joven balun iha kapitál Dili.
“Nu’udar Primeiru Ministru ha’u husu deskulpa tanba perturba inan-aman, komunidade no sidadaun sira-nia hakmatek,” nia hateten, Timor Post asesu husi Gabinete Media Primeiru Ministru, Tersa (06/09).
Tanba ne’e nia husu ba sidadaun sira hotu no liuliu joven sira atu deklara violénsia hanesan inimigu ida ba ema hotu, no promete kombate hasoru violénsia to’o halakon iha rain doben Timor-Leste.
Nune’e nia parte mós hanesan Ministru Interior, alerta ona ba Komandu Polísia Nasionál Timor-Leste, atu vijilánsia másimu hodi mantein ordem públiku liuliu iha Kapitál Dili.
Ikus nia husu mós ba joven sira atu hakmatek hodi kontribui ba pás no estabilidade nasionál, no husik problema krime ne’ebé akontese ona entrega ba Justisa.
3,731 total views, 3 views today
Bele hare Video Seluk :