DILI, (Timorpost.com)—Ministeriu Saúde (MS), hamutuk ho Autoridade Nasionál Agua Saneamentu no parseiru UNICEF iha Timor-Leste realiza workshop nasional liga ba oinsa atu kuidadu saúde.
Iha Workshop ne’e husi parte tolu Ministériu Saúde, Autoridade Nasionál Agua Saneamentu, inklui UNICEF halo konsultasaun ba rezultadu husi peskiza ne’ebé rekolla durante ne’e.
Diretor Jerál Kuidadu Saúde Primarius, Elizabeth Leto Mau, informa objetivu husi workshop ne’e atu partilha informasaun liga ba planu politika estratejia relasiona ho Be’e Saneamentu ba Ijiene iha implementasaun programa Kuidadu ba Saúde iha Timor-Leste.
“Nu’udar nasaun presiza tau atensaun ba Be’e Saneamentu liga ba Ijiene Kuidadu ba Saúde. Tamba Be’e Saneamentu & Ijiene neʼebé la adekuadu iha fasilidade Kuidadu Saúde mak sei la ajuda prestasaun kuidadu saúde ho kualidade”. dehan Elizabeth Leto Mau, ba jornalista sira iha Hotel Timor, Segunda (22/04/2024).
Nia haktuir, Ministériu Saúde liu husi Diresaun Jeral Kuidadu Saúde Primaria konsidera katak Be’e Saneamentu & Ijiene iha Fasilidade Kuidadu Saúde hanesan programa importante ida mak tenke kontinua dezenvolve ho sustentavel tanba ne’e presiza realiza atu ema bele kuidadu saude no tau importansia ba programa be’e saneamentu no ijiene iha fasilidade kuidadu saúde.
Aleinda ida ne’e, Reprezentante UNICEF iha Timor-Leste, Bilal Aurang Zen Durrani, hatuta “Ha’u senti kontenti tebes ba eventu Workshop ne’e liga ba saneamentu no ijiene (BESI) iha fasilidade kuidadu saúde sira (FKS) ne’ebé hein kleur ona. Kontenti bele hasoru malu ho parseiru sira hotu, ofisiál sira reprezenta Governo, parte interesada sira husi nivel nasionál no munisipal sira”.
Nia dehan, ida ne’e hatudu komitmen atu asegura katak saúde no bem-estar ba labarik sira no komunidade bele realiza tomak ho sustentavel iha prestasaun servisu ba saúde, saneamentu no ijiene.
Setor saúde no BESI nu’uda dezenvolvimentu rua ne’ebé boot, BESI iha FKS globalmente sai ona nu’udar sub-setor ne’ebé importante tebes.
Tamba fasilidade BESI ne’ebé funsiona di’ak liu husi kada FKS, sei kontribui ba ODS rua ne’ebé importante mak hanesan: saúde no bem-estar (ODS 3) no be mós no saneamentu (ODS 6).
“Ha’u haksolok tebes atu hare kolaborasaun entre Ministeriu Saúde (MDS) no Sekretáriu Estadu Eletrisidade Agua no saneamentu (SEAS) ne’ebé ho disponibilidade tomak hamutuk iha forum ida kona ba servisu BESI no FKS”. Hakotu.
1,140 total views, 6 views today
Bele hare Video Seluk :
Subscribe to Timorpost
