Dili, (timorpost.com)— Sekretaria Estadu Komunikasaun Sosiál (SEKoms) ho Camões Institutu da Coperacão e da Lingua hala’o kooperasaun iha área jornalizmu, hodi kapasita jornalista Timor-Leste.
Tuir Sekretaria Estadu Komunikasaun Sosiál (SEKoms), Expedito Dias Ximenes, hatete, kooperasaun ho Camões Institutu da Coperacão e da Lingua liu husi programa Consultoriu da lingua Portuguese para jornalista (CLJ) atu dezenvolve no kapasita jornalista sira no hasa’e sira nia koñesimentu iha area lingua portugés.
“Ohin ami ko’alia barak liu oinsá mak sira nia atensaun ba iha dezenvolvimentu lingua portugeza ba iha komunikasaun sosiál tanba durante ne’e Institutu Camões halo kooperasaun ho governu hodi kapasita lingua Portugés ba Jornalista sira”. Dehan SEKoms, Expedito Dias Ximenes, ba jornalista sira iha Palacio Governu, Kinta (09/05/2024).
Nia haktuir, no agora nonu governu konstitusionál la’o daudaun segunda faze ba kooperasaun ida atu formasaun ba jornalista iha lingua portugés ne’e halo husi programa Consultoriu da lingua Portugueza para jornalista (CLJ).
“Ami konkorda atu kontinua nafatin formasaun lingua Portuguesa ba jornalista sira iha tinan ida ne’e. Ami sei hanoin oinsá atu halo ba iha terseira faze atu modifika uitoan la’ós hanesan primeira faze no segundu faze”. Nia informa
Sekretáriu Estadu haktuir, iha formasaun lingua Portuguesa ba terseira faze ne’e sei aumenta tan tempu la hanesan ho formasaun ne’ebé mak ultrapasa ona iha primeiru faze no segunda ne’ebé ho durasaun tempu badak 40-60 horas.
“Ita halo oinsá kooperasaun ne’e atu halo jornalista sira ne’ebé iha koñesimentu uitoan kona ba portugés liu-liu editor no xefe redasaun sira atu bele tama iha universidade iha departamentu Komunikasaun Sosiál no Institutu Camões sei nafatin kontinua investe ba lingua portugeza iha timor no mós sei fó atensaun oinsá mak bele hatene hakerek, lee ho lian portugés”. Hakotu
1,560 total views, 48 views today
Bele hare Video Seluk :
Subscribe to Timorpost
