DILI (timorpost.com)—Universidade Nasional Timor Loro Sa’e (UNTL) liu husi Fakuldade Edukasaun Arte no Umanidade (FEAH), Departamentu Lingua Portuguesa (DLP) ohin 20 Novembru komemora loron ezisténsia fakuldade nian ba dal-XXII.
Diretora Departamentu Lingua Portugés, Eugenia Das Neves, iha nia intervensaun hatete departamentu lingua portugés iha UNTL kria hosi institutu Camoes iha tinan 2001, ho naran lisensiatura iha lingua Portuguesa no Kultura luzófona.
“Ohin 20 Novembru Departamentu Lingua Portuguesa (DLP) selebra nia ezisténsia ba dal-XXII. departamentu lingua portugés iha UNTL kria hosi institutu Camoes iha tinan 2001, ho naran lisensiatura iha lingua Portuguesa no Kultura luzófona”. Haktuir Diretora Departamentu, Eugenia das Neves, ba Timor Post, iha Liceu, Segunda (20/11).
Diretora ne’e haktuir, atividade ne’ebé enkaixe iha serimónia aniversáriu ba departamentu Lingua Portugeza ba tinan ne’e hanesan, realiza semináriu kona ba aprezentasaun traballu husi dosente inklui estudante departamentu lingua portugés sira.
“Area ne’ebé estudante no dosente sira atu aprezenta traballu iha oin tolu Literatura, Linguístika, no didátika”. Nia dehan.
Daudaun ne’e departamentu Lingua Portugeza, forma ona graduadu hamutuk 700 resin.
Preokupasaun ne’ebé mak Departamentu Lingua Portugés hasoru mak dosente sira ne’ebe hanorin iha DLP idade avansadu hotu ona tama ona ba reforma.
“Husu ba Ministériu Ensinu Superior atu anota hela preokupasaun ne’e atu bele buka meius ida hodi rekruta dosente foun antes dosente sira agora idade tama ba reforma”. Nia informa.
Entretantu dosente sira ne’ebé hanorin iha departamentu refere kompostu dosente nasionál no internasionál. Dosente Internasionál kompostu husi nasaun Brazil no Portugal.
537 total views, 9 views today
Bele hare Video Seluk :
Subscribe to Timorpost
