DILI— Tempu badak Governu liu hosi Ministériu Saúde (MS) sei introdús tan vasinasaun foun ida ho naran XPV hodi prevene Inan no oan sira husi moras kankru servís.
“Iha tinan ida-ne’e MS introdús vasina foun ida bolu XPV atu bele prevene ita nia inan no oan sira husi moras kankru servís, maibé infelizmente ita seidauk sidauk fó sai tanba preparasaun ami sei hala’o, maibé ita espera katak, molok remata tinan ida-ne’e ita bele implementa ona”, informasaun ne’e hato’o husi Diretora Jerál Prestasaun Saúde iha Ministériu Saúde, Odete da Silva Viegas, Tersa (14/03).
Tanba ne’e, Diretora Odete hateten, sei introdús tan vasina foun ne’e, bele aselera ona, tanba haree moras kankru ne’ebé mak boot, entaun tenke tau atensaun tanba moras ne’e krítiku.
“Ne’ebé presiza halo prevensaun ba ita nia inan sira husi moras kankru serviks ne’e”, tenik Diretora Jerál Protesaun Saúde iha Ministériu Saúde, Odete da Silva Viegas.
Iha fatin seluk, Diretora Servisu Saúde Munisípiu Dili, Domingas Segurado informa, vasina tuir fazeadamente atu kontinua halo introdús vasina foun iha prosesu, Saúde Munisípiu Dili prontu ona.
Nia afirma, importante halo tratamentu ba populasaun iha Dili tuir tarjetu no mós iha Munisípiu sira seluk.
“Ha’u lidera Dili kleur ona no iha referénsia lubuk ida ona, ne’ebé atu bele susesu problema ida ita presiza fó tempu no fó espasu para ami bele hamutuk ho parseiru sira, liu-liu autoridade munisípiu no autoridade lokál, para bele ajuda halo planu ida-di’ak, antes atu implementa programa”, dehan nia.
Nia hateten, Servisu Saúde Munisípiu Dili prontu maibé tenke fó espasu ida para bele prepara planu ho di’ak hodi bele lori atividade ne’e to’o iha benefisiáriu ida-ne’ebé presiza duni atu hetan atendimentu ida-ne’e
1,322 total views, 3 views today
Bele hare Video Seluk :
Subscribe to Timorpost
