Dili, (timorpost.com)—Ministériu Saúde (MS) apoiu husi Fundu Emerjénsia Labarik ba Nasaun Unidas iha Timor-Leste (UNICEF, sigla ingles), orienta tékniku uza ekipamentu WSL 50 hala’o teste ba kualidade bee moos ba ospitál no sentru saúde iha territóriu nasionál.
Diretór Nasionál Edukasaun profisionál Saúde, Emilia de Jesus Alves Mendonça, hatete, objetivu husi orientasaun tékniku ida ne’e atu asegura kualidade bee iha komunidade no risku ba saúde públiku.
“Setór Saúde, Bee Saneamentu no Ijiene (BESI) nu’udár setór dezenvolvimentu rua ne’ebé bo’ot. BESI iha Fasilidade Kuidadu Saúde (FKS) globalmente sai ona nu’udar sub-setór ne’ebé importante tebes. Ida ne’e tanba fasilidade BESI ne’e bele funsiona di’ak husi kada FKS kontribui ba iha objetivu dezenvolvimentu sustentável (ODS),” Dehan Diretora Nasionál Edukasaun Profisionál Saúde, Emilia de Jesus Alves, ba jornalista sira iha salaun Novo Turizmu, Kinta (02/05/2024).
Nia haktuir, oinsá mak halo teste ba kualidade be’e tuir diploma Ministerial iha papél ida hare kona ba asegura ai-han no be’e seguru agora atu asegura katak bee ne’e seguru ba komunidade hakarak ka lakohi liu husi UNICEF apoiu ona ekipamentu teste ba kualidade bee nian ne’ebé tékniku sira sei fó orientasaun pesoál husi territóriu tomak.
“Ita halo ona orientasaun ne’e ba primeira ba teste kualidade bee uza ita nia ekipamentu rasik oinsá mak orientál ba tékniku sira atu halo teste kualidade bee”.
Oinsá atu uza instrumentu ka ekipamentu ida ne’e hodi halo teste ba bee sira liu-liu ba konsumu sira ne’e, teste ba kualidade bee hare ba bee ne’ebé uza ba nesesidade komunitariu katak uza ba han no hemu loro-loron nian.
Parte ida mós sei halo teste mós ba bee sira ne’ebé konsumidór fan iha loja sira ida ne’e importante tebes oinsá mak bele reduz mal nutrisaun ne’ebé iha rai laran esensiál mós tenke kontrola ba kualidade bee.
Reprezentante UNICEF iha Timor-Leste, Suranga de Silva, hatete ekipamentu teste ba kualidade bee merak no temperatura bee hodi halo teste kímiku atu nune’e bele hatene bee ne’e kontaminadu ho produtu kímiku no biolojikál hanesan fo’er animal ka ema-nian.
“UNICEF nia mandatu maka atu hare ba labarik sira nia saúde “bem star”, iha Timor-Leste ne’ebé iha relasaun ho saúde públiku. Saúde públiku foka ba nutrisaun, kualidade bee”.
Nia haktuir, kualidade bee ne’e importante tebes hodi kombate moras ne’ebe oi-oin iha timor hanesan mal-nutrisaun.
Reprezentante UNICEF iha Timor-Leste ne’e, hateten hosi programa BESI no Fasilidade Kuidadu Saúde (FKS) sei fó impaktu direta ba kualidade servisu saúde nian, inklui seguransa pasiente no pesoál saúde sidadaun sira-nian.
Tanba tuir planu ODS nian iha númeru tolu, deskreve kona-ba saúde no promove moris di’ak ba ema ho idade hotu-hotu. No iha númeru neen iha planu ODS mós hateten atu garante disponibilidade moris di’ak.
2,151 total views, 12 views today
Bele hare Video Seluk :