Dili, (timorpost.com)—Forum ONG Timor Leste (FONGTIL) realiza workshop ho tema “ Aproximasaun Dezenvolvimentu husi Perspetiva Sosiedade Sivil no diskute isu nasionál sira hodi bele hare lalaok oinsá mak bele hametin servisu parseiru ho di’ak.
“Workshop ne’e atu hametin servisu ho parseria governu nian di’ak liu ba oin”. Dehan Diretor Ezekutivu FONGTIL, Valentim da Costa Pinto, ba jornalista iha Salaun UCT , Balide, Tersa (23/04/2024).
Nia haktuir, tanba Gabinete apoiu sosiedade sivil kada tinan sempre apoiu fundus ne’ebé nakloke hodi bele permite membru sira bele kompeta liuliu kona ba sira nia matadalan aplikasaun nian.
“Ami koko atu haforsa kona ba ami nia posizaun hanesan sosiedade sivil ne’ebé hanesan pilares importante ida mai husi Konstitusaun Estadu no konsilidasaun ba prosesu demokrasia iha rai ida ne’e, atu hare saida mak sosiedade sivil tenki halo atu la bele hanesan konsidera iha pilares ida ne’e sai fali hanesan fo posizaun ba governu lae”.
Nia haktuir, ho ida ne’e FONGTIL esforsu nafatin oinsá atu hametin sirvisu parserial entre sosiedade sivil ho governu no entidade hotu iha prosesu dezenvolvimentu nasionál nian.
Eventu sira ne’e agradese tanba governu liuliu ba Gabinete apoiu sosiedade sivil bele hola ninia prezensa ne’ebé ke bele iha komunikasaun di’ak liu mós neineik bele fasilita servisu di’ak maibé la halo lakon knaar sosiedade sivil kona ba kontrolu sosial.
Nia akresenta, husu nafatin atu apoiu servisu advokasia hodi bele konvense buat ruma ba ema sira ne’ebe foti desizaun bele konsidera kona ba dezenvolvimentu polítiku públiku ruma karik tenki refreta ba situasaun atual sira hodi bele servi rai ne’e ho di’ak.
1,212 total views, 3 views today
Bele hare Video Seluk :